Навядзеньне парадку на прыдамавой тэрыторыі

З надыходам вясны ўладальнікі дач і прыватных дамоў актыўна пазбаўляюцца ад смецця і забываюць, што агонь можа паводзіць сябе непрадказальна, ствараючы пагрозу здароўю і жыццю людзей, а таксама будынкам і іншай маёмасці.

Як правіла, полымя ад вогнішча хутка перакідаецца на сухую траву, распаўсюджваецца на вялікую плошчу і спыніць яго, часам, вельмі складана. Каб не дапусціць падобных выпадкаў, памятайце, што спальванне смецця дапускаецца толькі ў бязветранае надвор'е. Месца, дзе плануеце спальваць сабранае смецце, павінна знаходзіцца на бяспечнай адлегласці ад гаспадарчых і іншых пабудоў, а таксама ад лясных масіваў і тарфянікаў. Месца для вогнішча абавязкова акопайце, запасіцеся вядром з вадой, лапатай і ні на секунду не пакідайце агонь без нагляду. Пасля заканчэння спальвання, вуголле, што засталося, праліце вадой да поўнага спынення тлення.

За распальванне вогнішчаў у забароненых месцах прадугледжаны штраф да 12 базавых велічынь.

Разводзячы вогнішча, многія, не задумваючыся пра наступствы, выкарыстоўваюць лёгкаўзгаральныя і гаручыя вадкасці. Успышкі пар бензіну, газа і іншых лёгкаўзгаральных і гаручых вадкасцей – адна з самых распаўсюджаных прычын пажараў і траўм.

Часта ахвярамі становяцца пенсіянеры. Як правіла, спаліць смецце для пажылога чалавека на першы погляд здаецца вельмі простым спосабам. Аднак заканчваюцца такія гісторыі трагедыямі. Пажылыя людзі ў стане кінуць запаленую запалку ў кучу смецця, або падпаліць траву. Але справіцца з парывамі ветру, хутка распаўсюджваным агнём ім не пад сілу. Нярэдкія і выпадкі, калі, надыхаўшыся прадуктамі гарэння, пажылы чалавек проста губляе прытомнасць і гіне.

Толькі асцярожнасць і здаровы сэнс дапамогуць пазбегнуць няшчасных выпадкаў і трагічных наступстваў.