Добрыя справы акцыі «Маладзёны за бяспеку!».
Верхнядзвінск. Добрыя справы акцыі «Моладзь за бяспеку!».
У Верхнядзвінскім раёне праходзіць рэспубліканская акцыя «Моладзь за бяспеку!», падчас якой работнікі Верхнядзвінскага раённага аддзела па надзвычайных сітуацыях сумесна з актывістамі Беларускай маладзёжнай грамадскай арганізацыі ратавальнікаў-пажарных аказваюць шэфскую дапамогу грамадзянам пажылога ўзросту.
Мерапрыемства па папулярызацыі дзейнасці Беларускай маладзёжнай грамадскай арганізацыі ратавальнікаў-пажарных прайшло ва ўстанове адукацыі «Верхнядзвінская гімназія імя І.А. Макеенка».
Намеснік начальніка аддзела Дзмітрый Плотнікаў расказаў пра маладзёжную арганізацыю, прадэманстраваў відэаролік пра яе дзейнасць, расказаў пра правілы ўступлення. У завяршэнні мерапрыемства ратавальнікі правялі міні-віктарыну, на якой дзеці з азартам адказвалі на пытанні.
Дапамога спатрэбілася Новікавай Людміле Іосіфаўне, якая пражывае ў прыватным доме гарадскога пасёлка Асвея. На прыдамавой тэрыторыі Людмілы Іосіфаўны пануюць утульнасць і парадак. Але ўсё ж для ратавальнікаў і выхаванцаў ваенна-патрыятычнага клуба з дзяржаўнай установы адукацыі «Бігасаўская сярэдняя школа імя Героя Савецкага Саюза Э.В. Лаўрыновіча» знайшлася праца: сабралі ўраджай, правялі ўборку прыдамавой тэрыторыі.
У гэты ж дзень хлопцы з дзяржаўнай установы адукацыі «Асвейская сярэдняя школа Верхнядзвінскага раёна» дапамаглі адзінока пражываючай пенсіянерцы Кухаронак Алане Адольфаўне з вёскі Шармухі Бігосаўскага сельсавета: абкасілі прыдамавую тэрыторыю.
Не забыліся і пра бяспеку. Ратавальнікі пагутарылі з пенсіянеркамі пра выкананне правілаў пажарнай бяспекі ў домаўладаннях.