Пажарна-прафілактычная работа ў Верхнядзвінску
Выхадныя у Верхнядзвінскім раёне прайшлі з карысцю для мясцовых жыхароў. Прадстаўнікі Верхнядзвінскага падраздзялення МНС наведалі найбольш уразлівыя катэгорыі грамадзян з мэтай аказання дапамогі ў забеспячэнні бяспекі жылля. Для гэтага домаўладанні былі абследаваны на наяўнасць парушэнняў правілаў пажарнай бяспекі і праведзена гутарка з пражываючымі. – Пры любой небяспецы захоўвайце спакой. Тым самым Вы зможаце цвяроза ацаніць сітуацыю і знайсці правільнае рашэнне. І, вядома ж, заўсёды памятайце аб адзіным нумары службы выратавання – 112, – ратавальнікі нагадалі гаспадарам жылля аб правілах бяспекі жыццядзейнасці і адказалі на ўсе паступіўшыя пытанні. – Незаменны памочнік у доме – гэта пажарны апавяшчальнік. З ім можна спаць спакойна, не турбуючыся аб тым, што ў выпадку пажару вы не паспееце своечасова зрэагаваць на небяспеку, – ратавальнікі акцэнтавалі ўвагу грамадзян на ўстаноўку аўтаномных пажарных апавяшчальнікаў у кожным жылым пакоі. Таксама не абышліся без увагі тэмы выпальвання сухой расліннасці і навядзення парадку пры прыдамавой тэрыторыі. Прадстаўнікі МНС нагадалі сем'ям, якія выхоўваюць дзяцей, аб магчымых дзіцячых небяспеках: апёках, падзеннях дзяцей з вокнаў, дзіцячых свавольствах з агнём і інш. У кожным домаўладанні жыхарам была ўручана навучальная наглядна-выяўленчая прадукцыя МНС.