Верхнядзвінскія ратавальнікі заклікаюць завязаць з згубнай звычкай!
У рамках рэспубліканскай акцыі «Не прапальвай сваё жыццё», якая працягнецца па 27 лістапада, супрацоўнікі Верхнядзвінскага аддзела па надзвычайных сітуацыях наведалі ДУА «Сярэдняя школа №2 г.Верхнядзвінская імя Героя Савецкага Саюза Н.В. Троян».
Для выпускнікоў супрацоўнікі раённага аддзела па надзвычайных сітуацыях правялі інтэлектуальную КВІЗ-гульню «NO Smoking». Вучні з энтузіязмам удзельнічалі ў дадзеным мерапрыемстве. У ходзе гульні дзеці даведаліся пра шкоду і наступствы гэтай згубнай звычкі, а таксама ўмацаваліся ў правільнасці выбару здаровага ладу жыцця.
Акрамя таго, верхнядзвінскія ратавальнікі наведалі краму «Еўраопт». У ходзе работы наведвальнікам яшчэ раз нагадалі пра нумары тэлефонаў экстранных службаў, паэтапна прагаварылі правілы эвакуацыі пры пажары, першасныя сродкі тушэння. Дарослым пакупнікам абгрунтавалі эфектыўнасць устаноўкі ў дамах аўтаномнага пажарнага апавяшчальніка. У пацвярджэнне сваіх слоў ратавальнікі прывялі статыстыку пажараў. Асноўныя меры прафілактыкі – захаванне правілаў бяспекі і не пакіданне дзяцей!
У ходзе правядзення прафілактычнай акцыі ўсе ўдзельнікі атрымалі памяткі.