Агонь у 2023 годзе забраў жыцці 9 дзяцей, двое з якіх ураджэнцы Віцебскай вобласці
15 красавіка 2023 года ратавальнікам Оршы паступіла паведамленне аб пажары ў кватэры па вуліцы Задняпроўскай у горадзе Орша. Пры правядзенні разведкі ў пад'ездзе прысутнічаў пах дыму. У доме пражывалі дзве сястры 1995 і 1998 года нараджэння і двое дзяцей старэйшай сястры 2015 і 2017 гадамі нараджэння.
У ходзе тушэння пажару работнікамі МНС у жыллі ў непрытомным стане выяўлены жанчына, 1995 года нараджэння і яе сын 2017 года нараджэння. Пасля правядзення рэанімацыйных мерапрыемстваў брыгадай хуткай медыцынскай дапамогі канстатавана іх смерць. Прычынамі пажару маглі стаць дзве версіі: курэнне маці ў стане алкагольнага ап'янення альбо дзіцячая сваволя з агнём загінулага хлопчыка.
Страшная трагедыя адбылася, калі маці з немаўлём гасцявалі ў бабулі з дзядулем. Здарэнне адбылося 25 снежня 2023 года.
Пры абследаванні кватэры ратавальнікі ў адным з пакояў выявілі ў непрытомным стане дзіця 2018 года і яго маці 1982 года нараджэння. Затым у суседнім пакоі яшчэ дваіх — гаспадара кватэры 1961 года нараджэння і яго жонку 1964 года нараджэння. Усіх выратаваных работнікі МНС перадалі медыкам, якія канстатавалі смерць чатырох грамадзян. Прычына вогненнага здарэння высвятляецца спецыялістамі.
Дзе і як дзеці праводзяць свой вольны час, з кім яны сябруюць, якімі гульнямі захапляюцца? Каб пазбегнуць трагедыі, усе гэтыя пытанні павінны быць прадметам пастаяннай увагі дарослых. Растлумачце дзецям, што самае дарагое – гэта жыццё. Таму, у выпадку пажару дзіцяці неабходна: як мага хутчэй пакінуць небяспечнае памяшканне і апавясціць аб тым, што здарылася, дарослых. І, вядома, вывучыце з дзецьмі на памяць нумары тэлефонаў выкліку экстранных службаў. Дарослыя таксама павінны засвоіць – неасцярожнае абыходжанне з агнём чревато трагедыяй.
Будзьце побач са сваімі дзецьмі і беражыце сябе!