Узрост эксперыментатараў

Дзеці ва ўзросце 7-13 гадоў вельмі любяць раскладваць вогнішчы, у якія кідаюць выкарыстаныя балончыкі аэразоляў, дэзадарантаў і атрымліваюць цяжкія апёкі полымем, якія могуць прывесці да інваліднасці ці нават смерці.

8 ліпеня 2023 года ў прыёмнае аддзяленне Аршанскай гарадской бальніцы з в. Тарчылава паступіла дзіця з апёкамі 40 % цела. Як высветлілася з абставін праверкі, маці разам са сваімі дзецьмі знаходзілася на дачным участку. Яны расклалі вогнішча на вуліцы для прыгатавання ежы, пакуль жанчына адцягнулася на некаторы час, 9-гадовы дзіця ўзяў у доме ёмістасць з бензінам і прынёс да вогнішча, а яго сястра ўмакнула туды пруток з мангала. У выніку адбылася ўспышка і на хлопчыку загарэліся шорты, маці самастойна патушыла адзенне і сама адвезла дзіця ў бальніцу.

Але не толькі дзеці малодшага ўзросту могуць атрымаць апёкі ад раскладвання вогнішчаў, але і дзеці сярэдняга і нават старэйшага школьнага ўзросту. А віной гэтаму становіцца жаданне «паэксперыментаваць» з гаручымі рэчывамі і вадкасцямі. Яны бездумна кідаюць у агонь пластмасу, шыфер, лінолеум. Бесстрашна льюць туды бензін, керасін, растваральнік, алей. Аднак балончыкі выбухаюць, полымя ад вадкасці раптоўна ўспыхвае – і ў выніку дзеці атрымліваюць тэрмічныя траўмы рук, твару, вачэй.

І добра, што гэтыя выпадкі скончыліся не трагедыяй. Бацькі, размаўляйце з дзецьмі пра небяспеку адкрытага агню, раскажыце пра тое, што з-за цікаўнасці і няўмелага абыходжання з агнём можа здарыцца бяда.