Бяспека дзіцяці

Каб адбылася трагедыя, дастаткова некалькіх хвілін?

Хто вінаваты?

 А ратавальнікі ўпэўненыя, што нават адно імгненне можа перавярнуць усё жыццё. Разлучыць яе на «да» і «пасля».

«Трохгадовы малыш падпаліў хлеў»

«Чатырохгадовае дзіця спаліла бацькоўскі дом»

«Пяцігадовая дзяўчынка патанула ў затопленым склепе»

«Двое дзяцей загінулі на пажары»

«У возеры патанулі дзве сястры»

«Школьніка засыпала грунтам»

Такімі загалоўкамі і каментарамі часам стракаціць інтэрнэт і ўсе сродкі масавай інфармацыі. У іх праглядаецца факт – дзеці трапілі ў бяду.

Пажары і апёкі займаюць адно з лідзіруючых месцаў у спісе крыніц дзіцячага траўматызму. Толькі ў рэспубліцы за апошнія дзесяць гадоў агонь забраў жыцці дзевяноста трох дзяцей, з іх дваццаць адно дзіця загінула ў паўночным рэгіёне. Статыстыка жахае. За кожным з гэтых выпадкаў гісторыя, дзе ў галоўнай ролі выступаюць дарослыя: недбайна патушылі недакурак, не адрамантавалі своечасова печ, не памянялі праводку, дэмантавалі аўтаномны апавяшчальнік, не дагледзелі за дзіцем, а то і зусім у той фатальны момант бацькі пакінулі яго аднаго.