Навагодняя акцыя МНС
Новы год толькі раз на год! Але не варта хвалявацца з-за таго, што гэтае свята стукаецца да нас у дзверы так рэдка.
Сумна тое, што, паводле статыстыкі, менавіта ў святочны перыяд адбываецца найбольшая колькасць надзвычайных сітуацый. Усё таму, што, расслабляючыся і аддаючы сябе весялосцям, многія проста забываюць пра правілы бяспечных паводзін, што ў адзін момант можа азмрочыць увесь год чакання бою курантаў.
Рыхтуючыся да доўгачаканага свята, грамадзяне ўжо ўсталёўваюць навагоднюю ёлачку і ўпрыгожваюць яе. Вось некалькі парад ад ратавальнікаў:
– ёлачку варта ўсталёўваць далей ад батарэй ацяплення, каб яна не заміналі свабодна хадзіць па пакоі і не засланяла дзверы, якія вядуць у іншыя пакоі.
– верхавіна ёлачкі не павінна ўпірацца ў столь;
– нельга ўпрыгожваць ёлачку (сапраўдную або штучную) цацкамі, якія лёгка запальваюцца;
– не варта абкладаць падстаўку пад ёлачкай звычайнай ватай, упрыгожваць запаленымі свечкамі;
– ніколі не пакідайце гірлянды ўключанымі, калі сыходзіце з дома або кладзецеся спаць.
Дарэчы, пры гарэнні штучнай ёлачкі вылучаюцца вельмі шкодныя рэчывы. А кропелька палаючага пластыку, трапіўшы на скуру, пакіне апёк глыбейшы, чым сапраўдны распалены вугольчык.
Але з любой праблемы можна знайсці выйсце, таму каб дапамагчы кожнаму жыхару нашай краіны правесці навагоднія святы без НС, МНС праводзіць штогадовую рэспубліканскую акцыю «Бяспечны Новы год!». Сёлета яна пройдзе з 11 па 29 снежня.
Падчас правядзення акцыі работнікамі МНС запланавана:
– сустрэча з асобамі пажылога ўзросту на базе тэрытарыяльнага цэнтра сацыяльнага абслугоўвання насельніцтва;
– свята бяспекі ў некаторых школах, сем'ях, дзе дзеці знаходзяцца ў сацыяльна небяспечным становішчы і ў доме сямейнага тыпу.
– навучальныя гутаркі з пакупнікамі ў месцах продажу піратэхнікі;
– навагодні ўрок бяспекі ў дзіцячым аддзяленні ЦРБ.
– мерапрыемствы ў месцах масавага знаходжання людзей – гэта адкрытыя пляцоўкі, крамы і г.д.
Самым актыўным удзельнікам прапануецца паказаць свае крэатыўнасць і знаходлівасць для перамогі ў конкурсе «Навагодні дызайн МНС», у якім трэба аформіць сваю кватэру ці дом па-навагодняму і з ноткамі бяспекі!
Дадатковую інфармацыю па акцыі і конкурсах можна атрымаць па тэлефоне 5-41-13.