Прычына пажару – кароткае замыканне

10.04.2023 у 05:15 паступіла паведамленне аб узгаранні трактара, які належыць ДЛГУ «Верхнядзвінскі лясгас» і размешчаны на тэрыторыі дадзенага аб'екта па адрасе: г.Верхнядзвінск, зав.Сонечны, д.2.

У выніку пажару пашкоджаны маторны адсек, салон, лакафарбавае пакрыццё трактара.

Прычына ўзнікнення пажару – аварыйны рэжым працы электрычнай сеткі трактара (кароткае замыканне) у зоне, абмежаванай часткай маторнага адсека, бліжэйшай да кабіны, а таксама ўнутраным аб'ёмам пярэдняй паловы кабіны. Гэта магло ўзнікнуць практычна ў любым месцы, дзе пры разбурэнні ізаляцыі жылы праваднікоў могуць датыкацца з корпусам трактара. Прычым корпус трактара, выкананы з ліставой сталі, можа пашкодзіць ізаляцыю электраправодаў, якія датыкаюцца з ім, у працэсе эксплуатацыі з-за вібрацыйнага ўздзеяння, а таксама пры мантажных і рамонтных работах.

МНС нагадвае дзеянні работнікаў пры выяўленні пажару?

Работник, які выявіў пажар, абавязаны:

- прыняць меры па апавяшчэнні людзей і іх эвакуацыі;

- прыняць магчымыя меры па тушэнні пажару наяўнымі першаснымі сродкамі пажаратушэння.

Пасадовая асоба, якая прыбыла да месца пажару, абавязана:

- праверыць, ці выкліканы пажарныя аварыйна-выратавальныя падраздзяленні;

- накіраваць для сустрэчы пажарных аварыйна-выратавальных падраздзяленняў асобу, добра знаёмую з размяшчэннем пад'язных шляхоў і вадаісточнікаў;

- да прыбыцця пажарных аварыйна-выратавальных падраздзяленняў арганізаваць эвакуацыю людзей, прыняць меры па прадухіленні панікі;

- выклікаць пры неабходнасці да месца пажару медыцынскую дапамогу, а таксама аварыйныя службы;

- праверыць уключэнне ў працу тэхнічных сродкаў супрацьпажарнай абароны;

- арганізаваць адключэнне электраэнергіі ад спажыўцоў без адключэння тэхнічных сродкаў супрацьпажарнай абароны.

Па прыбыцці на пажар пажарных аварыйна-выратавальных падраздзяленняў пасадовая асоба абавязана паведаміць кіраўніку тушэння пажару звесткі аб месцы пажару, наяўнасці ў памяшканні людзей, якія маюць патрэбу ў дапамозе, а таксама аб людзях, занятых ліквідацыяй ачагоў гарэння, наяўнасці выбухапажаранебяспечных матэрыялаў і г.д.

Памятайце, што парушэнне правіл пажарнай бяспекі ставіць пад пагрозу бяспеку вашага жыцця і вашай маёмасці.

Інспектар ПНС

Верхнядзвінскага РАНС

Хахлова А.Ю.