Маштабны праект "Цягнік Памяці", які ахапіў Беларусь і Расію, праходзіць з удзелам юных жыхароў раёна
Верхнядзвінскі раён прадстаўляе Юлія Галубева, навучэнка Верхнядзвінскай гімназіі імя І. А. Макеенка. Усе пасажыры «Поезда памяці» – пераможцы нацыянальных конкурсаў і адборачных этапаў. У Беларусі, каб стаць удзельнікам праекта, хлопцы прайшлі адбор Рэспубліканскага конкурсу «Я патрыёт сваёй краіны», у якім узялі ўдзел больш за 9 тысяч чалавек. У 2025 годзе праект прымеркаваны да 80-годдзя Вялікай Перамогі. Агульны маршрут пралягае праз 15 гарадоў Расіі і Беларусі. Мэта праекта – не толькі ўбачыць знакавыя мемарыялы, звязаныя з гісторыяй Вялікай Айчыннай вайны, але і пазнаёміцца з прыроднымі багаццямі, культурнымі традыцыямі і вытворчымі дасягненнямі абедзвюх краін.