З верхнядзвінскай моладдзю сустракаліся дэпутаты
Дэпутат Палаты прадстаўнікоў Нацыянальнага сходу Рэспублікі Беларусь Аляксандр Стома сумесна з членам камісіі па сацыяльных пытаннях і ахове здароўя Маладзёжнага парламента пры Палаце прадстаўнікоў Аляксандрам Сакаловым правялі дыялогавую пляцоўку з моладдзю, якая працуе ў сферы адукацыі Верхнядзвінскага раёна.
У цэнтры ўвагі апынуліся такія важныя аспекты, як адаптацыя да новага працоўнага месца, роля сям'і ў фарміраванні асобы дзіцяці, паважлівае стаўленне да старэйшага пакалення і г.д. У рабоце дыялогавай пляцоўкі прыняла ўдзел старшыня Верхнядзвінскага раённага Савета дэпутатаў Ірына Козел.