17 траўня на базе Прыдзвінска-Бараўлянскай сярэдняй школы прайшла сямейная спортландыя «Здаровая сям'я - здаровая дзяржава», прысвечаная Міжнароднаму дню сям'і.
3 сям'і - Маркоўскіх, Кукуць і Сяткоўскіх - якія пражываюць на тэрыторыі раёна, змагаліся за званне самай спрытнай і дружнай.
Адзначым, што спортландыя праводзіцца ўжо 3 раз, а значыць, становіцца добрай традыцыяй! Па выніках спаборніцкай праграмы крыху наперадзе засталіся сем'і Кукуць і Сяткоўскіх. Дырэктар школы Сяргей Пятровіч Драздоў адзначыў: "Галоўнае зусім не перамога, а якасна праведзены час з сям'ёй. Ды яшчэ і з карысцю для здароўя!"