1 кастрычніка на сустрэчу з навучэнцамі Прыдзвінска-Бараўлянскай сярэдняй школы прыйшлі Раманюк Руслана, дырэктар ТІЦ "Верхнядзвінск", Шыпіла Алена, галоўны спецыяліст аддзела ідэалагічнай работы і па справах моладзі райвыканкама.
Для вучняў пачатковых класаў Алена Валер'еўна правяла інтэрактыўную гульню "Усю ўвагу – бабулям і дзядулям", прысвечаную Дню пажылых людзей.
Навучэнцаў 6-7 і 11 класаў Руслана Васільеўна зацікавіла віктарынай "Верхнядзвіншчына турыстычная", а таксама пазнаёміла з дзейнасцю раённага турыстычна-інфармацыйнага цэнтра.
Самыя актыўныя і дасведчаныя атрымалі невялікія падарункі ад гасцей і ўжо намяцілі першыя турыстычныя маршруты!