На Верхнядзвіншчыне праходзіць раённы турслёт

Раённы турыстычны злёт праходзіць 1-3 чэрвеня на маляўнічых берагах Лясняншчыны Верхнядзвінскага раёна. Адкрыла спаборніцтвы аматараў здаровага і актыўнага адпачынку старшыня райсавета Ірына Козел.

У праграме турзлёту спаборніцтвы па трыятлоне, валейболе, дартсе, тэхніцы пешага і воднага турызму, перацягванні каната. Удзельнікі злёту прадэманструюць майстэрства і спрыт у арганізацыі турыстычнага побыту, конкурсе кулінараў, пакажуць нумары мастацкай самадзейнасці і адпачнуць на вясёлай дыскатэцы. Па традыцыі ў злёце ўдзельнічаюць не толькі дасведчаныя турысты, але і дзеці. Дзеці 4-5 і 11-15 гадоў пазмагаюцца на паласе перашкод у сваіх узроставых катэгорыях. Маляўнічая прырода, песні ля вогнішча пад гітару, духмяная юшка і непаўторнае пачуццё турыстычнага братэрства — далучайцеся, лета яшчэ наперадзе!

Крыніца: www.d-p.by