З залы суду – ударыў з-за рэўнасці

Пракуратура Верхнядзвінскага раёна ў судовым пасяджэнні падтрымала дзяржаўнае абвінавачванне па крымінальнай справе
у дачыненні да 57-гадовага мясцовага жыхара – яму інкрымінуецца наўмыснае прычыненне лёгкага цялеснага пашкоджання.

Згодна з матэрыяламі крымінальнай справы, мужчына, знаходзячыся ў стане алкагольнага ап'янэння, нанёс сваёй сужыцельніцы не менш аднаго ўдару рукой у вобласць твару. У выніку гэтага дзеяння пацярпелай прычынены лёгкія цялесныя пашкоджанні – кровападцёкі павек абодвух вачэй, пералом костак носа.

У судовым пасяджэнні абвінавачаны сваю віну прызнаў цалкам, шчыра раскаяўся ў зробленым. Паясніў, што падчас канфлікту, які ўзнік пасля ўжывання спіртнога, з-за пачуцця рэўнасці, ударыў сваю сужыцельніцу па твары. Варта адзначыць, што пацярпелая таксама знаходзілася ў стане алкагольнага ап'янэння.

З улікам прадстаўленых дзяржаўным абвінаваўцам доказаў суд Верхнядзвінскага раёна пастанавіў абвінаваўчы прыгавор. На падставе арт. 153 Крымінальнага кодэкса Рэспублікі Беларусь мужчыну прызначана пакаранне ў выглядзе грамадскіх работ на тэрмін 300 гадзін.

Прыгавор суда не набыў законную сілу, можа быць абскарджаны
у апеляцыйным парадку.

 

 

Старшы памочнік пракурора

Верхнядзвінскага раёна

юрыст 2 класа                                                            А.В.Кузьмічонак