Абаронены правы маладога спецыяліста

Абаронены правы маладога спецыяліста: пракуратура Верхнядзвінскага раёна запатрабавала неадкладнага прыняцця мер па ліквідацыі парушэнняў патрабаванняў заканадаўства аб мерах сацыяльнай падтрымкі маладых спецыялістаў.

Супрацоўнікамі пракуратуры Верхнядзвінскага раёна ў ходзе ажыццяўлення нагляднай дзейнасці ў адным з сельгаспрадпрыемстваў раёна выяўлены факт парушэння правоў маладога спецыяліста

на атрыманне 1000 беларускіх рублёў штомесяц.

Так, у жніўні 2024 года прадпрыемства заключыла кантракт
з маладым спецыялістам – ветэрынарным урачом на 5 гадоў пасля заканчэння ім навучальнай установы.

Даведка: Згодна з рашэннем Віцебскага абласнога Савета дэпутатаў ад 25.11.2025 № 135 усім арганізацыям вызначана штомесяц выплачваць у памеры 1000 беларускіх рублёў на працягу трох гадоў маладым спецыялістам, якія з'яўляюцца выпускнікамі ўстаноў адукацыі ў 2020 і наступных гадах па спецыяльнасцях "Ветэрынарная медыцына" і "Заатэхнія" і заключылі
з наймальнікамі кантракты тэрмінам на 5 гадоў.

Разам з тым, устаноўленая штомесячная выплата ў памеры 1000 беларускіх рублёў ветэрынарнаму ўрачу не выплачвалася.

Як вынік – пракуратура Верхнядзвінскага раёна вынесла прадпісанне ў адрас сельскагаспадарчага прадпрыемства аб прыняцці адпаведных мер па ліквідацыі выяўленых парушэнняў заканадаўства аб сацыяльнай падтрымцы маладых спецыялістаў.

Патрабаванні прадпісання пракурора выкананы ў поўным аб'ёме – спецыялістамі гаспадаркі сабраны неабходныя дакументы, маладому спецыялісту прызначаны штомесячныя выплаты.

 

Намеснік пракурора

Верхнядзвінскага раёна

малодшы саветнік юстыцыі                                      А.В.Карбутаў