Незаконны абарот наркатычных сродкаў і псіхатропных рэчываў

Незаконны абарот наркатычных сродкаў, псіхатропных рэчываў, іх прэкурсораў і аналагаў у цяперашні час уяўляе значную пагрозу сацыяльнай, палітычнай, дэмаграфічнай, эканамічнай і ўнутранай бяспецы любой сучаснай дзяржавы.

У Рэспубліцы Беларусь пытанням процідзеяння незаконнаму абароту наркотыкаў, прафілактыцы іх спажывання надаецца асаблівая ўвага ўсімі зацікаўленымі дзяржаўнымі органамі і арганізацыямі.

Нягледзячы на прымаемыя меры, праблема наркаспажывання і незаконнага абароту наркатычных сродкаў па-ранейшаму застаецца актуальнай.

Крымінальная адказнасць у сферы незаконнага абароту наркотыкаў прадугледжана арт. арт. 327-332 Крымінальнага кодэкса Рэспублікі Беларусь.

За незаконны збыт наркотыкаў, прадугледжаны арт. 328 КК, адказнасць наступае з 14 гадоў і дапускае пакаранне ў выглядзе пазбаўлення волі ад двух да 25 гадоў са штрафам або без штрафу. Пры гэтым варта адзначыць, што ў дачыненні да непаўналетніх, якія здзейснілі злачынства ў сферы незаконнага абароту наркотыкаў, максімальны тэрмін пакарання ў выглядзе пазбаўлення волі не можа перавышаць 12 гадоў.

У адпаведнасці з дзеючым заканадаўствам, пад незаконным збытам наркотыкаў разумеецца любы спосаб іх узнагароджанай або бязвыплатнай перадачы іншым асобам, у тым ліку шляхам продажу, дарэння, абмену, выплаты доўгу, дачы ў доўг і г.п.

Заканадаўствам Рэспублікі Беларусь таксама прадугледжана адміністрацыйная адказнасць за шэраг правапарушэнняў ва ўказанай сферы, а менавіта за спажыванне без прызначэння ўрача-спецыяліста наркотыкаў у грамадскім месцы, а роўна адмова ад праходжання ва ўстаноўленым парадку праверкі (асведчавання) на прадмет вызначэння стану, выкліканага іх спажываннем, з'яўленне ў грамадскім месцы ў стане, выкліканым спажываннем указаных рэчываў, і іншыя (ч.ч. 3-5 арт. 19.3 Кодэкса аб адміністрацыйных правапарушэннях).

Акрамя таго, у адпаведнасці са арт. 17.1 Кодэкса аб
адміністрацыйных правапарушэннях незаконныя пасеў і (або) вырошчванне раслін альбо грыбоў, якія змяшчаюць наркатычныя сродкі або псіхатропныя рэчывы, без мэты іх збыту або вырабу альбо іншага атрымання наркатычных сродкаў або псіхатропных рэчываў цягнуць за сабой накладанне штрафу ў памеры да дваццаці базавых велічынь.