Крымінальны бізнес

Сучасны наркабізнес мае форму арганізаванай злачыннасці. А ў цэнтры іх злачынных памкненняў – моладзевая аўдыторыя ў віртуальнай прасторы. Да 95% збыту наркотыкаў адбываецца ў Інтэрнэце.

Першыя прапановы аб працаўладкаванні прыходзяць у асноўным
у сацыяльных сетках – «Вконтакте», «Аднакласнікі», альбо шляхам веернай рассылкі паведамленняў аб высокааплачванай працы ў мэсэнджарах, часцей за ўсё ў Telegram.

 У далейшым у патэнцыйнага работніка высвятляецца, у якім рэгіёне ён гатовы працаваць, абмяркоўваецца заработная плата, умовы
і варыянты яе выплаты. Далей праводзіцца інструктаж аб выкананні мер канспірацыі. Зноў прымаемага работніка пераконваюць, што пры выкананні ўсіх мер бяспекі, рызыка быць затрыманым практычна адсутнічае. Аднак, гэта не так. У сярэднім, «працоўны стаж» закладчыка да моманту прыцягнення да крымінальнай адказнасці складае ад 2 тыдняў да 1,5 месяца. А некаторыя і зусім затрымліваюцца пры першай спробе зарабіць.

Задача бацькоў – не дапусціць уцягвання непаўналетніх дзяцей у наркабізнес.

Калі ў вашага дзіцяці раптам у тэлефоне з'явіліся прыкладанні, якія дазваляюць вызначаць GPS-каардынаты і накладаць іх на фатаграфіі (напрыклад, NoteCam або яго аналагі), варта надаць гэтаму пільную ўвагу, бо дадзенае праграмнае забеспячэнне на 90% выкарыстоўваецца збытчыкамі наркотыкаў.

Таксама неабходна звяртаць увагу на спробы рэгістрацыі на крыптаабменных пляцоўках, выкарыстанні электронных грошай, невядомых сім-карт і банкаўскіх плацежных карт.

Акрамя таго, варта насцярожыцца, калі ваша дзіця выкарыстоўвае прыкладанні, асноўная мэта якіх – схаваць сапраўднае месцазнаходжанне карыстальніка ў сетцы.

Рэгулярнае выкананне бацькамі названых парад, дазволіць своечасова выявіць і спыніць здзяйсненне дзіцем злачынства.

Старэйшы памочнік пракурора

Верхнядзвінскага раёна

юрыст 3 класа                                                               А.В. Кузьмічонак