На парадку дня – гатоўнасць школ да новага навучальнага года

Пракуратура Верхнядзвінскага раёна напярэдадні Дня ведаў правярала гатоўнасць устаноў адукацыі да 2024/2025 навучальнага года.

Мэта – забеспячэнне камфортных і бяспечных умоў для навучэнцаў.

Вынікі праверак паказваюць, што ў цэлым у раёне выкананы значны аб'ём будаўнічых і іншых работ. Разам з тым маюць месца факты невыканання запланаваных установай адукацыі мерапрыемстваў.

У прыватнасці, у шэрагу школ аказаліся не завершаны будаўнічыя работы. У некаторых выпадках у рамках мадэрнізацыі ахоўных сістэм не ўстаноўлены камеры відэаназірання. Выяўлены факт непрыняцця мер да пачатку рамонту даху будынка школы. У асобных установах адукацыі не ўстаноўлена агароджа тэрыторыі школы, не заменена санітарнае абсталяванне, не выкананы рамонт сістэмы пажарнай сігналізацыі.

Таксама падчас праверкі выяўлены парушэнні ў дзвюх установах адукацыі, якія патэнцыйна могуць прывесці
да траўмавання непаўналетніх.

Так, у парушэнне патрабаванняў нарматыўных прававых актаў на тэрыторыі школ складзіраваны будаўнічы смецце, не агароджаны па перыметры стужкамі альбо іншым належным чынам. У сувязі з чым, непаўналетнія маюць свабодны доступ да названых аб'ектаў.

З мэтай неадкладнага ўстаранення выяўленых парушэнняў пракуратурай раёна вынесена два прадпісанні ў дачыненні да дырэктараў устаноў адукацыі.

Пытанне гатоўнасці ўстаноў адукацыі застаецца на кантролі.