Галоўны энергетык дапусціў службовую халатнасць, у выніку чаго адбыўся памор жывёлы: пракуратура Верхнядзвінскага раёна падтрымала дзяржаўнае абвінавачванне па крымінальнай справе

Пракуратура Верхнядзвінскага раёна ў выязным пасяджэнні, якое адбылося ў сельскагаспадарчым прадпрыемстве КУПСХП «К.», падтрымала дзяржаўнае абвінавачванне па крымінальнай справе ў дачыненні да 35-гадовага галоўнага энергетыка – яму інкрымінуецца службовая халатнасць, што пацягнула па неасцярожнасці прычыненне ўрону ў асабліва буйным памеры.

Як устаноўлена ў ходзе судовага следства, Д. у выніку нядобрасумленнага і недбайнага стаўлення да службы, дапушчаных парушэнняў эксплуатацыі электра ўстаноўкі тэнтавага памяшкання арачнага тыпу для ўтрымання маладняку буйной рагатай жывёлы, размешчанага на тэрыторыі МТФ КУПСХП «К.», дапусціў 30.05.2022 паражэнне электрычным токам маладняку буйной рагатай жывёлы ў колькасці 44 галоў.

У судовым пасяджэнні абвінавачаны Д. віну ў прад'яўленым абвінавачванні прызнаў часткова, аднак, нягледзячы на частковае прызнанне віны, сукупнасць прадстаўленых дзяржаўным абвінаваўцам доказаў з'явілася дастатковай, каб суд прыйшоў да высновы аб вінаватасці абвінавачанага ў інкрымінаваным яму дзеянні.

Па крымінальнай справе пастаноўлены абвінаваўчы прыгавор.

На падставе ч. 1 арт. 428 Крымінальнага кодэкса Рэспублікі Беларусь Д. прызначана пакаранне ў выглядзе абмежавання волі без накіравання ў папраўчую ўстанову адкрытага тыпу на тры гады з пазбаўленнем права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, здзяйсненнем юрыдычна значных дзеянняў, тэрмінам на 5 гадоў.

Таксама прыгаворам суда задаволены прад'яўлены пракуратурай Верхнядзвінскага раёна іск у інтарэсах КУПСХП «К.» да абвінавачанага Д. аб спагнанні ўрону ў памеры 55236 рублёў 60 капеек, прычыненага ў выніку падкорму жывёлы.

Прыгавор суда ўступіў у законную сілу.

Намеснік пракурора раёна

малодшы саветнік юстыцыі           

М.В.Лаўданскі