Сустрэча Лукашэнкі з Прэзідэнтам Алжыра Тэбунам праходзіць у палацы "Эль-Мурадзія"

Сустрэча Прэзідэнта Беларусі Аляксандра Лукашэнкі з Прэзідэнтам Алжыра Абдэльмаджыдам Тэбунам праходзіць на тэрыторыі палаца "Эль-Мурадзія" ў сталіцы краіны, перадае карэспандэнт БЕЛТА.

Афіцыйным перамовам папярэднічае цырымонія сустрэчы з выкананнем гімнаў дзвюх краін і ўдзелам роты ганаровай варты.Палац "Эль-Мурадзія" - рэзідэнцыя Прэзідэнта Алжыра, дзе прымаюць афіцыйныя замежныя дэлегацыі. Палац, а таксама аднайменная мясцовасць, у якой ён размешчаны, названы ў гонар Дзідуша Мурада - нацыянальнага героя, які загінуў у вайне з Францыяй за незалежнасць Алжыра.

Па мясцовай традыцыі перамовы кіраўнікоў дзяржаў у вузкім і пашыраным складах праходзяць у закрытым фармаце без пратакольных заяў для СМІ. Заявы звычайна робяцца ўжо па выніках сустрэчы.

Як паведамлялася раней, акцэнт у перамовах Аляксандра Лукашэнкі і Абдэльмаджыда Тэбуна робіцца на паглыбленні гандлёва-эканамічнага супрацоўніцтва і рэалізацыі ўзаемавыгадных двухбаковых праектаў. У цэнтры ўвагі перспектывы паставак тэхнікі і кааперацыі, узаемадзеяння ў аграпрамысловым комплексе, медыцыне, адукацыі і гуманітарнай сферы ў цэлым.

Кіраўнік беларускай дзяржавы прыбыў у Алжыр напярэдадні. Гэта ўжо чацвёртая краіна ў яго вялікім замежным турнэ. У трапа Прэзідэнта сустрэў старшыня Савета нацыі Алжырскай Народнай Дэмакратычнай Рэспублікі Насеры Азуз.

Адразу па прыбыцці Аляксандр Лукашэнка правёў сустрэчы са спікерам Нацыянальнай народнай асамблеі Ібрагімам Бугалі і прэм'ер-міністрам Сіфі Грыебам.

Прэзідэнт на гэтых сустрэчах выказаў упэўненасць, што Беларусь і Алжыр змогуць значна павялічыць тавараабарот. "Мы абавязковыя людзі і будзем няўхільна выконваць нашы дамоўленасці. Спынення з нашага боку не будзе", - сказаў ён.

Па выніках 2024 года тавараабарот склаў крыху больш за $49 млн, з якіх практычна ўвесь аббм - гэта беларускі экспарт. 
 
Аляксандр Лукашэнка заявіў аб неабходнасці прыняцця і паўнавартаснай рэалізацыі дарожнай карты развіцця супрацоўніцтва: "Я добра разумею, што такое Алжыр для Афрыкі. Мы супрацоўнічаем са шматлікімі краінамі Афрыканскага кантынента. Таму што за Афрыкай будучыня. Мы абавязкова павінны выпрацаваць абсалютна працаздольны план нашых адносін, нашых дзеянняў". 

"Мы гатовыя прадаставіць вам тэхналогіі ў галіне машынабудавання, нафтахіміі, хіміі, сельскай гаспадаркі, IT-тэхналогіі. Мы