Лукашэнка павіншаваў ветэрана Вялікай Айчыннай вайны Васіля Давжонка са 100-гадовым юбілеем
Прэзідэнт Беларусі Аляксандр Лукашэнка павіншаваў ветэрана-пагранічніка, удзельніка Вялікай Айчыннай вайны, палкоўніка ў адстаўцы Васіля Даўжонка са знамянальным юбілеем – 100-годдзем. Аб гэтым БЕЛТА паведамілі ў прэс-службе беларускага лідара."З ранніх гадоў у шэрагах падпольшчыкаў і партызан, а затым у пагранічных войсках Вы са зброяй у руках абаранялі родную зямлю", – падкрэсліў кіраўнік дзяржавы.Прэзідэнт адзначыў, што за плячыма Васіля Даўжонка вялікі жыццёвы шлях чалавека, грамадзяніна і воіна, які шмат гадоў аддаў службе на мяжы і адзначаны многімі дзяржаўнымі ўзнагародамі. "Вы ўдзельнік легендарнага партызанскага параду ў Мінску ў ліпені 1944 года. Прадстаўнік таго гераічнага пакалення Пераможцаў, для якога служэнне Айчыне стала мэтай і сэнсам жыцця", – гаворыцца ў віншаванні.Кіраўнік дзяржавы выказаў самыя шчырыя словы падзякі і ўдзячнасці за тое, што, нягледзячы на гады і выпрабаванні, юбіляр і сёння ў страі, знаходзіць магчымасці для сустрэч з курсантамі-пагранічнікамі. "Такая стойкасць, цвёрдасць духу і жыццялюбства выклікаюць захапленне і з'яўляюцца прыкладам для ўсіх нас", – адзначыў беларускі лідар.
Аляксандр Лукашэнка пажадаў Васілю Даўжонку здароўя, дабрабыту, бадзёрасці і пазітыву: "Няхай кожны новы дзень прыносіць Вам толькі добрае і светлае".