Дзяржаўных узнагарод удастоены 68 прадстаўнікоў розных сфер дзейнасці
Дзяржаўных узнагарод удастоены 68 прадстаўнікоў розных сфер дзейнасці. Адпаведны ўказ падпісаў 10 верасня Прэзідэнт Беларусі Аляксандр Лукашэнка, паведамілі БЕЛТА ў прэс-службе беларускага лідара.
Падзяка Прэзідэнта Беларусі аб'яўлена працаўнікам АПК і калектывам шасці сельгаспрадпрыемстваў
Ордэны, медалі і ганаровыя званні прысвоены за шматгадовую плённую працу, высокі прафесіяналізм, смеласць і рашучасць, праяўленыя пры выратаванні чалавека на вадзе, дасягненне высокіх вытворчых паказчыкаў, заслугі ў воінскай службе, ахове дзяржаўнай мяжы, прыродаахоўнай дзейнасці, значны асабісты ўклад у забеспячэнне законнасці, умацаванне правапарадку і барацьбу са злачыннасцю, ліквідацыю наступстваў надзвычайных сітуацый, развіццё аграпрамысловага комплексу, лясной гаспадаркі, прамысловасці, будаўніцтва, транспартнай галіны, выдатныя дасягненні ў сферах аховы здароўя, адукацыі, навукі, культуры і спорту.
Ордэнам Айчыны II ступені ўзнагароджаны генеральны дырэктар Інстытута парашковай металургіі імя акадэміка А.В.Рамана Аляксандр Ільлюшчанка, ордэнам Пашаны - начальнік юрыдычнага ўпраўлення Упраўлення справамі Прэзідэнта Беларусі Алена Лебедзева і старшыня Гродзенскага райвыканкама Валерый Хелскі, ордэнам Францыска Скарыны - артыст-саліст-інструменталіст, вядучы майстар сцэны Беларускай дзяржаўнай ордэна Працоўнага Чырвонага Сцяга філармоніі Ігар Алоўнікаў.
Медалём "За выратаванае жыццё" ўдастоены пенсіянер Віталь Гаражанкін, "За адзнаку ў воінскай службе" - начальнік аддзела галоўнага ўпраўлення Дзяржаўнага пагранічнага камітэта Вольга Чаргінец.
Прадстаўнікі розных сілавых структур узнагароджаны медалямі за адзнаку ў ахове грамадскага парадку і дзяржаўнай мяжы, у папярэджанні і ліквідацыі надзвычайных сітуацый.
Вялікая група работнікаў удастоена медаля "За працоўныя заслугі". У іх ліку - рэктар Беларускага дзяржаўнага ўніверсітэта інфарматыкі і радыёэлектронікі Вадзім Богуш, генеральны дырэктар ААТ "ІНТЭГРАЛ" - кіруючая кампанія холдынгу "ІНТЭГРАЛ" Андрэй Буйневіч.
Сярод узнагароджаных медалём Францыска Скарыны - артыст хору Нацыянальнага акадэмічнага народнага хору Рэспублікі Беларусь імя Г.І.Цітовіча Людміла Земцова і дырэктар Маладзёжнага тэатра эстрады Сяргей Мядзведзеў.
Указам таксама прысвоены ганаровыя званні Рэспублікі Беларусь.
Званне "Заслужаны дзеяч навукі" прысвоена прафесару кафедры гдзяржаўнага кіравання Інстытута дзяржаўнай службы Акадэміі кіравання пры Прэзідэнце Рэспублікі Беларусь Станіславу Князеву, "Заслужаны работнік адукацыі" - дырэктару Ліцэя міждзяржаўнай адукацыйнай установы вышэйшай адукацыі "Беларуска-Расійскі ўніверсітэт" імя Л.Е.Маневіча Георгію Голікаву.
Звання заслужанага работніка прамысловасці ўдастоена вытворца цукерак ААТ "Камунарка" Алена Радзюк. Заслужаным лясніком стаў дырэктар Клічаўскага лясгаса Уладзімір Касянкоў, заслужаным будаўніком - генеральны дырэктар ААТ "Стройтрэст № 1" Уладзімір Бублік і кіраўнік праектаў па будаўніцтве і рамонце транспартных аб'ектаў ААТ "Дарожна-будаўнічы трэст № 5" Уладзімір Колесень.
Спартсмены-інструктары нацыянальнай каманды Беларусі па плаванні Рэспубліканскага цэнтра алімпійскай падрыхтоўкі па водных відах спорту Анастасія Шкурдай і Ілья Шымановіч удастоены звання "Заслужаны майстар спорту".