У Беларусі на аснове партфельнага прынцыпу абноўлены склад калегіяльных утварэнняў

Прэзідэнт Беларусі Аляксандр Лукашэнка 18 жніўня падпісаў указ №309 "Аб змяненні складу калегіяльных утварэнняў", паведамілі БЕЛТА ў прэс-службе беларускага лідара.

Дакументам актуалізуецца склад калегій Камітэта дзяржаўнага кантролю, Генеральнай пракуратуры, Следчага камітэта, Дзяржаўнага камітэта судовых экспертыз, Белстата, ВАК, МУС, МНС, Дзяржкамваенпрама, Дзяржпагранкамітэта і ДМК, а таксама іншых калегіяльных утварэнняў, уключаючы Прэзідыум НАН, Прэзідыум ВАК, Геральдычны савет пры Прэзідэнце Рэспублікі Беларусь.

Абноўлены склад сфарміраваны пераважна на аснове партфельнага прынцыпу (без пераліку персаналій), што дазволіць мінімізаваць змены пры кадравых перастаноўках.

belta.by