Лукашэнка накіраваў спачуванні кіраўніцтву Індыі ў сувязі з авіякатастрофай у Ахмедабадзе
Прэзідэнт Беларусі Аляксандр Лукашэнка накіраваў спачуванні Прэзідэнту Індыі Драупадзі Мурму і прэм'ер-міністру гэтай краіны Нарэндру Модзі ў сувязі з авіякатастрофай у горадзе Ахмедабад. Пра гэта БЕЛТА паведамілі ў прэс-службе беларускага лідара.
Кіраўнік дзяржавы падкрэсліў, што ў Беларусі з глыбокім болем і смуткам успрынялі вестку аб вялікай колькасці ахвяр і пацярпелых у выніку падзення пасажырскага самалёта.
Аляксандр Лукашэнка ад імя беларускага народа і сябе асабіста выказаў шчырыя спачуванні кіраўніцтву Індыі, родным і блізкім загінулых, пажадаў хутчэйшага выздараўлення ўсім пацярпелым.