Лукашэнка павіншаваў ХК "Юнацтва-Мінск" з заваёвай Кубка Прэзідэнта
Прэзідэнт Беларусі Аляксандр Лукашэнка павіншаваў гульцоў, трэнерскі штаб і заўзятараў хакейнага клуба "Юнацтва-Мінск" з заваёвай Кубка Прэзідэнта. Аб гэтым БЕЛТА паведамілі ў прэс-службе кіраўніка дзяржавы.
"Цудоўны фінал і бліскучае завяршэнне сезона, у якім камандзе скарыліся тры галоўныя трафеі - Кубак Салея, залатыя медалі рэгулярнага чэмпіянату краіны і Прэзідэнцкі Кубак. Вельмі важна, што маладое пакаленне "Юнацтва" працягвае традыцыі легендарнага клуба, які даў пуцёўку ў жыццё многім зоркам хакея і стаў сапраўднай школай жыцця для тысяч хлапчукоў", - гаворыцца ў віншаванні.
Аляксандр Лукашэнка таксама адрасаваў самыя цёплыя словы падзякі за прыгожую і ўпартаю барацьбу хакейнаму клубу "Віцебск". "Ваша адданасць роднай камандзе, згуртаванасць і прагрэс уражваюць. Перакананы, галоўныя перамогі ў вас яшчэ наперадзе", - падкрэсліў Прэзідэнт.
Кіраўнік дзяржавы пажадаў усім камандам і заўзятарам здароўя, шчасця і поспехаў.