У Беларусі скарэкціраваны парадак абыходжання з адходамі тавараў і ўпакоўкі

Прэзідэнт Беларусі Аляксандр Лукашэнка ўнёс змяненні ва ўказ ад 17 студзеня 2020 года №16 "Аб удасканаленні парадку абыходжання з адходамі тавараў і ўпакоўкі". Пра гэта БЕЛТА паведамілі ў прэс-службе беларускага лідара.

Карэкціроўкі прадугледжваюць выключэнне з указа №16 норм, якія перанесена ў абноўлены закон "Аб абыходжанні з адходамі" (прыняты 28 чэрвеня 2022 года) і ўступаюць у сілу з 1 студзеня 2023 года.

Акрамя таго, удакладняюцца асаблівасці функцыянавання спецыяльнага рахунку ДУ "Аператар другасных матэрыяльных рэсурсаў" і выкарыстання грашовых сродкаў, якія паступаюць на яго. Прадугледжана таксама персанальная адказнасць службовых асоб за непа прызначэнне выкарыстання грашовых сродкаў, якія знаходзяцца на спецыяльным рахунку ДУ "Аператар другасных матэрыяльных рэсурсаў", неправамернае прыпыненне аперацый па рахунку, неправамернае спагнанне і арышт названых грашовых сродкаў.

Крыніца: belta.by