Прэзідэнт павіншаваў калектыў Віцебскай дзяржаўнай акадэміі ветэрынарнай медыцыны са 100-годдзем заснавання
Прэзідэнт Беларусі Аляксандр Лукашэнка павіншаваў калектыў Віцебскай ордэна "Знак Пашаны" дзяржаўнай акадэміі ветэрынарнай медыцыны са 100-годдзем заснавання гэтай установы адукацыі. Пра гэта БЕЛТА паведамілі ў прэс-службе беларускага лідара.
Кіраўнік дзяржавы адзначыў: "Цэлае стагоддзе гісторыі ВНУ - гэта яркі і займальны летапіс насычанага і цікавага студэнцкага жыцця больш як 40 тысяч спецыялістаў у галіне ветэрынарнай медыцыны і заатэхніі. Сярод вашых выпускнікоў - знакамітыя вучоныя, кіраўнікі сельгаспрадпрыемстваў і рэгіёнаў".
Аляксандр Лукашэнка звярнуў увагу, што значны ўклад акадэміі ў развіццё ветэрынарнай навукі. "Інавацыйныя распрацоўкі вашых аўтарытэтных навуковых школ спрыяюць эфектыўнаму развіццю жывёлагадоўлі і забеспячэнню харчовай бяспекі краіны, - падкрэсліў Прэзідэнт. - Перакананы, што назапашаны векавы педагагічны вопыт, веды і велізарны творчы патэнцыял дазволяць калектыву і ў далейшым дабівацца высокіх вынікаў".
Кіраўнік дзяржавы пажадаў усім моцнага здароўя, невычарпальнай энергіі і новых дасягненняў на карысць роднай Беларусі.