Лукашэнка павіншаваў калектыў БМЗ з 40-годдзем з дня яго ўтварэння

 Прэзідэнт Беларусі Аляксандр Лукашэнка павіншаваў калектыў і ветэранаў ААТ "БМЗ - кіруючая кампанія холдынгу "БМК" з 40-годдзем з дня ўтварэння Беларускага металургічнага завода. Пра гэта БЕЛТА паведамілі ў прэс-службе кіраўніка дзяржавы.

"Менавіта ў вашых печах быў выплаўлены першы метал, з якога і пачалася гісторыя айчыннай металургіі, - гаворыцца ў віншаванні. - Запланаваны як міні-завод БМЗ рос і развіваўся разам з краінай, пры падтрымцы дзяржавы захаваў унікальны калектыў у 90-я гады, а сёння з'яўляецца прамысловым гігантам, флагманам галіны і адным з самых вядомых брэндаў Беларусі".

Фундамент гэтых вытворчых дасягненняў БМЗ - вопыт і найвышэйшыя кампетэнцыі некалькіх пакаленняў металургаў, адзначыў кіраўнік дзяржавы. "Вы асвойваеце новыя тэхналогіі і сучаснае абсталяванне, пашыраеце наменклатуру выпускаемай прадукцыі, знаходзіце рынкі збыту і прыносіце рэспубліцы мільярды долараў экспартнай выручкі", - звярнуў увагу беларускі лідар.

Асаблівыя словы падзякі Прэзідэнт адрасаваў ветэранам: "Прыехаўшы з розных куткоў Савецкага Саюза, вы сталі адзінай зладжанай камандай, якой удалося ў самыя сціслыя тэрміны наладзіць вытворчасць і закласці выдатныя традыцыі".

"Перакананы, што дзякуючы вашым прафесіяналізму, майстэрству і надалей усе пастаўленыя задачы будуць паспяхова выконвацца ў мэтах дынамічнага развіцця галіны і эканамічнага росту нашай краіны", - падкрэсліў Аляксандр Лукашэнка.

Кіраўнік дзяржавы пажадаў калектыву і ветэранам БМЗ моцнага здароўя, шчасця, дабрабыту і новых працоўных здзяйсненняў.

Крыніца: belta.by