Лукашэнка: перад беларускімі будаўнікамі стаяць у вышэйшай ступені амбіцыйныя задачы

Прэзідэнт Беларусі Аляксандр Лукашэнка павіншаваў работнікаў і ветэранаў будаўнічага комплексу з прафесійным святам. Аб гэтым БЕЛТА паведамілі ў прэс-службе кіраўніка дзяржавы.

"Будаўніцтва з'яўляецца адным з ключавых складнікаў сацыяльна-эканамічнага развіцця Беларусі, з году ў год дэманструе высокія паказчыкі і эфектыўнасць у рэалізацыі маштабных і арыгінальных сучасных праектаў, - гаворыцца ў віншаванні. - Айчынныя будаўнікі цэняцца як спецыялісты высокага класа ў нашай краіне і за яе межамі".

Кіраўнік дзяржавы звярнуў увагу, што ў Год якасці перад будаўнікамі стаяць у вышэйшай ступені амбіцыйныя задачы. "Галіна павінна быць не толькі драйверам нацыянальнай эканомікі, але і люстэркам высокіх стандартаў, якія дзейнічаюць ва ўсіх сферах жыцця беларускага грамадства", - падкрэсліў Прэзідэнт. Вялікаму прафесійнаму калектыву будаўнікоў пад сілу ажыццявіць самыя смелыя планы, перакананы беларускі лідар.

Аляксандр Лукашэнка пажадаў работнікам і ветэранам будаўнічага комплексу, а таксама іх родным і блізкім моцнага здароўя і шчасця, жыццёвай энергіі і аптымізму, цікавых аб'ектаў і новых дасягненняў.

Работнiкам i ветэранам будаўнiчага комплексу Рэспублiкi Беларусь

Дарагія сябры!

Ад усёй душы віншую вас з прафесійным святам.

Будаўніцтва з'яўляецца адным з ключавых складнікаў сацыяльна-эканамічнага развіцця Беларусі, з году ў год дэманструе высокія паказчыкі і эфектыўнасць у рэалізацыі маштабных і арыгінальных сучасных праектаў. Айчынныя будаўнікі цэняцца як спецыялісты высокага класа ў нашай краіне і за яе межамі.

У Год якасці перад вамі стаяць у вышэйшай ступені амбіцыйныя задачы. Галіна павінна быць не толькі драйверам нацыянальнай эканомікі, але і люстэркам высокіх стандартаў, якія дзейнічаюць ва ўсіх сферах жыцця беларускага грамадства.

Перакананы, што вашаму вялікаму прафесійнаму калектыву пад сілу ажыццявіць самыя смелыя планы.

У гэты святочны дзень жадаю вам, вашым родным і блізкім моцнага здароўя і шчасця, жыццёвай энергіі і аптымізму, цікавых аб'ектаў і новых дасягненняў.

Аляксандр Лукашэнка

11 жніўня 2024 года.

Крыніца: belta.by