Лукашэнка завяршыў рабочы візіт у Казахстан

Прэзідэнт Беларусі Аляксандр Лукашэнка завяршыў рабочы візіт у Казахстан, перадае карэспандэнт БЕЛТА.

У сталіцы Казахстана Аляксандр Лукашэнка прыняў удзел у пасяджэнні савета кіраўнікоў дзяржаў - членаў Шанхайскай арганізацыі супрацоўніцтва. Лідары краін прынялі рашэнне аб завяршэнні працэдуры ўступлення Беларусі ў арганізацыю ў якасці паўнапраўнага члена. Такім чынам, "Шанхайская дзявятка" на саміце стала "Шанхайскай дзясяткай".

Аляксандр Лукашэнка назваў паказальным і сімвалічным той факт, што год

На саміце ён распавёў пра канкрэтныя напрамкі, якім Беларусь у якасці паўнапраўнага ўдзельніка плануе надаць павышаную ўвагу. Гэта перш за ўсё пытанні міжнароднай бяспекі, эканомікі, харчовай бяспекі, міжнароднага пазіцыянавання ШАС, узаемнага ўзбагачэння культур.
Лідэры краін прынялі Астанінскую дэкларацыю і каля двух дзясяткаў рашэнняў па развіцці супрацоўніцтва ў розных сферах, а таксама па пытаннях, якія непасрэдна датычацца дзейнасці арганізацыі.

Затым Аляксандр Лукашэнка прыняў удзел у сустрэчы ў фармаце "ШАС плюс". У гэтым форуме ўдзельнічалі не толькі кіраўнікі дзяржаў - членаў ШАС, сярод якіх цяпер і Беларусь, але таксама лідары дзяржаў-назіральнікаў, ганаровыя госці і кіраўнікі міжнародных арганізацый. Тэмай сустрэчы было вызначана "Умацаванне шматбаковага дыялогу - імкненне да ўстойлівага міру і развіцця".

"Глыбока перакананы, найлепшым адказам на выклікі ў глабальнай палітыцы будуць нашы адзінства і згуртаванасць. Для гэтага мы павінны кансалідавацца на той прасторы, якая з'яўляецца зонай адказнасці арганізацыі. Менавіта такі падыход вызначае неабходнасць стварэння Вялікай Еўразіі", - заявіў беларускі лідар і абазначыў некалькі крокаў у гэтым напрамку.
Ён, у прыватнасці, заклікаў партнёраў актыўна падключыцца да распрацоўкі і ўзгаднення Еўразійскай хартыі разнастайнасці і шматпалярнасці ў XXI стагоддзі. Гэтая ідэя ўзнікла па выніках міжнароднай канферэнцыі, праведзенай у кастрычніку мінулага года ў Мінску. Кіраўнік дзяржавы таксама падкрэсліў важнасць спалучэння розных інтэграцыйных працэсаў, умацавання супрацоўніцтва ў фінансавай сферы, у галіне лічбавых тэхналогій і па шэрагу іншых напрамкаў.

"Толькі ў нашай арганізацыі знаходзяцца два магутнейшых лідары - Кітай і Расійская Федэрацыя. І ўсе дрыжым перад гэтым далярам. Ну давайце, нарэшце, зробім пэўныя крокі, каб менш залежаць ад гэтага даляра. І вы ўбачыце: спалохаўшыся, тыя, хто маніпулюе даляравай дубінай, зразумеюць, што далей так быць не можа. Мы гэта ўсё бачым, але не робім. А людзі чакаюць", - заклікаў беларускі лідар.

На палях саміту Прэзідэнт правёў шэраг перамоваў: з Старшынёй КНР, Прэзідэнтам Турцыі, прэм’ер-міністрам Пакістана, Генеральным сакратаром ААН. У цэлым адбылося шмат розных міжнародных кантактаў. Напрыклад, з расійскім лідарам Уладзімірам Пуціным грунтоўна і неаднаразова абмяркоўваліся розныя пытанні як напярэдадні ў ходзе зносін на нефармальнай вячэры, так і ў асноўны дзень саміту.

Крыніца: belta.by