Лукашэнка наведаў Іркуцкі авіяцыйны завод. Прадпрыемства нацэлена на пашырэнне кааперацыі з Беларуссю

Прэзідэнт Беларусі Аляксандр Лукашэнка 5 чэрвеня наведаў Іркуцкі авіяцыйны завод (ІАЗ), перадае карэспандэнт БЕЛТА.

На заводзе кіраўнік дзяржавы азнаёміўся з этапамі вытворчасці ваеннай авіяцыйнай тэхнікі (тут, дарэчы, робяць самалёты і для беларускіх Ваенна-паветраных сіл), зборкі пасажырскага лайнера МС-21. Кіраўніцтва прадпрыемства падрабязна праінфармавала Прэзідэнта Беларусі аб выпускаемай прадукцыі і перспектыўных распрацоўках.

Іркуцкі авіяцыйны завод нацэлены на пашырэнне вытворчай кааперацыі з авіяцыйнымі прадпрыемствамі Беларусі. Таму тэма рэалізацыі сумеснх праектаў, напрыклад у станкабудаванні і мікраэлектроніцы, стала асноўнай падчас візіту кіраўніка дзяржавы.

На заводзе Аляксандру Лукашэнку падарылі мадэль знішчальніка Су-30.

"Мой любімы самалёт", - заявіў Прэзідэнт.

"Самае галоўнае - высокаманеўраны", - адзначыў гендырэктар Іркуцкага авіязавода Аляксандр Вепрэў.

Аб'яднаная авіябудаўнічая карпарацыя рэалізуе праграму імпартазамяшчэння і нарошчвання тэмпаў вытворчасці. У сувязі з гэтым развіццё супрацоўніцтва з прадпрыемствамі Беларусі набывае больш важнае значэнне.

"Плануецца наладзіць больш цеснае ўзаемадзеянне з беларускімі вытворцамі, у тым ліку па нарошчванні аб'ёму паставак авіяцыйных кампанентаў, вузлоў і агрэгатаў", - расказалі журналістам на заводзе.

Таксама прапрацоўваецца магчымасць стварэння на тэрыторыі Беларусі пляцовак для рамонту і сэрвіснага абслугоўвання пастаўленай у рэспубліку расійскай авіятэхнікі.

Іркуцкі авіяцыйны завод лічыцца адным з высокатэхналагічных, навукаёмістых і дынамічна развіваючыхся прадпрыемстваў расійскага авіяпрама. З 1932 года завод выпусціў каля 7 тыс. самалётаў больш за 20 тыпаў, якія пастаўляліся ў 4