Сёння асабліва важна ўмацаваць наш агульны дом". Лукашэнка павіншаваў беларусаў з Першамаем

Прэзідэнт Беларусі Аляксандр Лукашэнка павіншаваў суайчыннікаў са Святам працы. Пра гэта БЕЛТА паведамілі ў прэс-службе кіраўніка дзяржавы.

"Беларускі народ ва ўсе часы славіўся працавітасцю і гаспадарскім падыходам да справы, што дазволіла нам уладкаваць сваю дзяржаву і захаваць мір на роднай зямлі. Сёння, калі абвастрылася глабальная канкурэнцыя за рынкі і рэсурсы, асабліва важна ўмацаваць наш агульны дом, прымножыць дастатак грамадзян, забяспечыць шчаслівую будучыню дзецям і ўнукам. Гэта магчыма дзякуючы добрасумленным і адказным стаўленнем да даручанага ўчастка працы, настойлівасці ў дасягненні пастаўленых мэт, наватарскім падыходам да вырашэння паўсядзённых задач", - гаворыцца ў віншаванні.

Мір! Праца! Май! У Беларусі адзначаюць Свята працы

Аляксандр Лукашэнка адзначыў, што значным фактарам умацавання беларускай мадэлі грамадскага развіцця з'яўляецца сацыяльнае партнёрства і канструктыўны дыялог органаў дзяржаўнай улады і прафсаюзнага руху, які адзначае сваё 120-годдзе. "Упэўнены, працягваючы традыцыі пакалення пераможцаў, мы замацуем за Рэспублікай Беларусь славу моцнай, сучаснай і тэхналагічна развітой краіны", - падкрэсліў Прэзідэнт.
 
Кіраўнік дзяржавы выказаў удзячнасць кожнаму, хто адданы справе і штодня сваёй працай уносіць уклад у росквіт Радзімы.

Віншаванне Прэзідэнта Беларусі са Святам працы

Паважаныя суайчыннікі!

Шчыра віншую вас са Святам працы.

Беларускі народ ва ўсе часы славіўся працавітасцю і гаспадарскім падыходам да справы, што дазволіла нам добраўпарадкаваць сваю дзяржаву і захаваць мір на роднай зямлі.

Сёння, калі абвастрылася глабальная канкурэнцыя за рынкі і рэсурсы, асабліва важна ўмацаваць наш агульны дом, прымножыць дастатак грамадзян, забяспечыць шчаслівую будучыню дзецям і ўнукам.

Гэта магчыма дзякуючы добрасумленным і адказным адносінам да даручанага ўчастка працы, настойлівасці ў дасягненні пастаўленых мэт, наватараскаму падыходу да вырашэння паўсядзённых задач.

Значным фактарам умацавання беларускай мадэлі грамадскага развіцця з'яўляецца сацыяльнае партнёрства і канструктыўны дыялог органаў дзяржаўнай улады і прафсаюзнага руху, які адзначае сваё 120-годдзе.

Упэўнены, працягваючы традыцыі пакалення пераможцаў, мы замацуем за Рэспублікай Беларусь славу моцнай, сучаснай і тэхналагічна развітой краіны.

У гэты святочны дзень дзякую кожнаму, хто адданы справе і штодня сваёй працай уносіць уклад у росквіт нашай Радзімы.

Жадаю новых здзяйсненняў і прафесійных перамог. Міру і дабрабыту вам і вашым сем'ям.

З Першамаем!

Крыніца: belta.by