Лукашэнка ў Дзень касманаўтыкі зноў у маскоўскім Крамлі

Прэзідэнт Беларусі Аляксандр Лукашэнка прыбыў у Маскоўскі Крэмль, дзе пройдзе сумесны мерапрыемства з Прэзідэнтам Расіі Уладзімірам Пуціным з нагоды Дня касманаўтыкі, перадае карэспандэнт БЕЛТА.

Кіраўнікі дзяржаў падвядуць вынікі місіі на МКС, дзе ўпершыню ў гісторыі працаваў экіпаж Саюзнай дзяржавы. Прэзідэнты пагутараць з касманаўтамі, абмяркуюць далейшыя перспектывы супрацоўніцтва ў касмічнай сферы.

Як паведамлялася БЕЛТА, у Маскву першы касманаўт суверэннай Беларусі, Герой Беларусі Марына Васілеўская прыбыла напярэдадні з Мінска прэзідэнцкім бортам. У Палацы Незалежнасці 11 красавіка прайшла ушанавальная цырымонія і ўзнагароджанне беларускіх касманаўтаў і арганізатараў экспедыцыі на МКС.

На сустрэчы ў Крамлі таксама будзе прысутнічаць яшчэ адзін удзельнік палёту - расійскі касманаўт і ўраджэнец Беларусі Алег Навіцкі.

Раней таксама стала вядома, што Прэзідэнт Расіі Уладзімір Пуцін узнагародзіў ордэнам Гагарына першага касманаўта суверэннай Беларусі Марыну Васілеўскую і расійскіх касманаўтаў Алега Навіцкага і Сяргея Пракоп'ева. Адпаведныя ўказы апублікаваны на расійскім афіцыйным партале прававой інфармацыі.

Напярэдадні вечарам у Крамлі адбыліся перамовы Аляксандра Лукашэнкі і Уладзіміра Пуціна. Кіраўнікі дзяржаў на працягу чатырох гадзін абмяркоўвалі пытанні двухбаковага супрацоўніцтва, рэагавання на выклікі і пагрозы ў сферы бяспекі, сітуацыю ў рэгіёне і міжнародны парадак дня.

Крыніца: belta.by