Лукашэнка: кантроль за працай Нацыянальнага банка будзе ўзмацняцца

Контроль за працай Нацыянальнага банка будзе ўзмацняцца. Пра гэта Прэзідэнт Беларусі Аляксандр Лукашэнка заявіў, заслухоўваючы даклад аб працы банкаўскай сістэмы і мерах, якія прымаюцца па суправаджэнні знешнегандлёвай дзейнасці, перадае карэспандэнт БЕЛТА.

"Калі я прызначаў намесніка кіраўніка Адміністрацыі (маецца на ўвазе прызначэнне Аляксандра Егорава намеснікам кіраўніка Адміністрацыі Прэзідэнта Беларусі. - Заўв. БЕЛТА), ужо сказаў, што гэта чалавек з добрымі ведамі ў сферы фінансаў, банкаў. І нам будзе лягчэй размаўляць у Адміністрацыі з Нацыянальным банкам, са спецыялістамі, паколькі на адной хвалі ж. Вучыліся ў адных і тых жа ВНУ. Да гэтага мы падключаем Камітэт дзяржаўнага кантролю", - сказаў Аляксандр Лукашэнка.

"Як вы разумееце, Павел Уладзіміравіч (старшыня праўлення Нацбанка Павел Калаўр. - Заўв. БЕЛТА), па-за кантролем Нацыянальны банк быць не можа. Кантроль ажыццяўляецца Прэзідэнтам, і вы, напэўна, заўважылі, што ў сувязі з прызначэннем новых асоб у фінансава-эканамічным блоку гэты кантроль будзе ўзмацняцца", - дадаў Прэзідэнт.

Адначасова Аляксандр Лукашэнка падкрэсліў, што гэта не значыць, што працы Нацыянальнага банка будуць неяк перашкаджаць. "Ён у асноўным свае функцыі выконвае. Як паказваюць вынікі ў эканоміцы за апошні год, у складанай абстаноўцы, звязанай з ціскам з боку заходніх недружалюбных дзяржаў на Беларусь, эканоміка спраўляецца. Значыць, і ўрад з Нацыянальным банкам спраўляюцца. Але гэта не значыць, што няма ў гэтым плане праблем. Вось мы абмяркуем гэтыя праблемы адкрыта, шчыра, не спіхваючы на кагосьці", - адзначыў беларускі лідар.

Крыніца: belta.by