Лукашэнка: трэба знайсці магчымасці без лішніх пасярэднікаў выбудаваць лагістыку з Камчаткай

Неабходна знайсці магчымасці без лішніх пасярэднікаў наладзіць лагістыку з Камчаткай. Пра гэта Прэзідэнт Беларусі Аляксандр Лукашэнка заявіў на сустрэчы з губернатарам Камчацкага краю Расіі Уладзімірам Салодавым, перадае карэспандэнт БЕЛТА.

Кіраўнік дзяржавы цёпла прывітаў кіраўніка расійскага рэгіёну, адзначыўшы, што гэта першы яго візіт у Беларусь у такім статусе. "Вельмі спадзяюся, нягледзячы на неблізкую адлегласць, што гэта не апошні (візіт. - Заўвага БЕЛТА), - дадаў Прэзідэнт. - Вы вельмі правільна сказалі: "Калі едзеш да добрых людзей, то адлегласць памяншаецца". Хачу, каб вы ведалі, што вы прыехалі да самых сумленных і надзейных для любога расіяніна людзей".

Разам з губернатарам прыбыла прадстаўнічая, грунтоўная дэлегацыя, што, па словах Прэзідэнта, сведчыць аб вялікіх мэтах і сур'ёзных намерах. У сувязі з гэтым беларускі лідар запэўніў расійскі бок у гатоўнасці "падключыцца і зрабіць максімум" для развіцця супрацоўніцтва.

У той жа час геаграфічная аддаленасць Камчаткі ад Беларусі не павінна перашкаджаць вырашэнню разнапланавых задач, дружбе і супрацоўніцтву, упэўнены Аляксандр Лукашэнка.

"Перакананы: нам удасца знайсці магчымасці, каб без лішніх пасярэднікаў наладзіць нашы адносіны. І тым самым мы даб'ёмся таго, што прадукцыя, якую мы пастаўляем туды і назад, будзе значна таннейшай", - падкрэсліў кіраўнік дзяржавы.

Аб магчымым удзеле ў грандыёзным праекце

Гаворачы аб перспектыўных праектах, Прэзідэнт згадаў аб грандыёзнай задумцы па будаўніцтве ў Ахоцкім моры Пенжынскай прыліўнай электрастанцыі. "Пэўныя кампетэнцыі ў нас ёсць. Калі мы вам спатрэбімся ў плане праектавання і будаўніцтва гэтага аб'екта, будзем рады прыняць удзел у гэтым знакавым будаўніцтве", - сказаў кіраўнік дзяржавы.

Аб наладжванні прамых паставак рыбы і морапрадуктаў

Аляксандр Лукашэнка заўважыў, што Камчацкі край славіцца сваімі ўнікальнымі марскімі багаццямі. "Будзе вельмі правільна і выгадна, калі мы паспрабуем наладзіць супрацоўніцтва ў гэтай сферы", - лічыць кіраўнік дзяржавы. Ён расказаў, што, бываючы ў Расіі, у прыватнасці на Далёкім Усходзе, часта цікавіўся тэматыкай паставак у Беларусь рыбнай прадукцыі з такіх аддаленых рэгіёнаў. "Мне ўсе ў адзін голас кажуць, што можна здабываць, прадаваць, закупляць прадукцыю дзесьці паблізу, - сказаў Прэзідэнт. - Але нам хацелася б, каб мы паспрабавалі пастаўляць ад вас гэту прадукцыю. У нас у гэтым плане вялікі дэфіцыт". Кіраўнік дзяржавы прапанаваў, каб спецыялісты прапрацавалі пытанне прамых паставак рыбнай прадукцыі, выключыўшы пры гэтым непатрэбнае пасрэдніцтва.

Перспектыўнай мадэллю развіцця супрацоўніцтва, па яго словах, можа выступіць стварэнне расійскім рэгіёнам перапрацоўчых вытворчасцей у Беларусі. "Калі гэта будзе выгадна - можна паспрабаваць. Мы створым самы спрыяльны рэжым для працы і пастаўкі вашай прадукцыі ў любую кропку, куды вам будзе выгадна", - сказаў кіраўнік дзяржавы.

Прэзідэнт падкрэслі

На сустрэчы гаворка ішла ў тым ліку і аб развіцці турыстычнага патэнцыялу. "Камчацкі край - гэта мара любога падарожніка, у тым ліку і мяне", - сказаў Аляксандр Лукашэнка. Прэзідэнт заўважыў, што быў час, калі і расіяне, і беларусы захапіліся замежнымі ваяжамі. Але апошнім часам, на шчасце, растуць аб'ёмы ўнутранага турызму, асабліва ў Расіі. А Беларусь у 2023 годзе наведалі больш за 1 млн расіян.

Лукашэнка марыць пабываць на Камчатцы

"Карацей кажучы, Уладзімір Віктаравіч, мы гатовыя абмеркаваць любыя пытанні, якія вас цікавяць, і прыняць рашэнне, - падкрэсліў Прэзідэнт. - Калі вас цікавяць нейкія прадпрыемствы - усе дзверы адчынены, на ўсе заводы, фабрыкі… Паглядзіце, што вам спадабаецца, мы гатовыя вам падставіць плячо і супрацоўнічаць з вамі ўзаемна - купляць і прадаваць".

Крыніца: belta.by