Ордэнам Маці ўзнагароджана 51 жыхарка Брэсцкай, Гродзенскай і Магілёўскай абласцей

Прэзідэнт Беларусі Аляксандр Лукашэнка 13 снежня падпісаў указ №387 аб узнагароджанні ордэнам Маці. Пра гэта БЕЛТА паведамілі ў прэс-службе беларускага лідара.

За нараджэнне і выхаванне пяці і больш дзяцей узнагароды ўдастоены работніцы розных сфер дзейнасці. Сярод іх прадстаўніцы прамысловых і аграпрамысловых прадпрыемстваў, арганізацый будаўнічай галіны, сацыяльнай сферы, гандлю і сувязі, устаноў адукацыі, аховы здароўя, Узброеных Сіл, рэлігійных арганізацый, а таксама хатнія гаспадыні.

Сярод узнагароджаных – урач-стаматолаг-тэрапеўт Ліноўскай амбулаторыі агульнай практыкі Пружанскай цэнтральнай раённай бальніцы Таццяна Шыпук, работніца філіяла "Целяханы" прадпрыемства "Беларусьгандаль" упраўлення справамі Прэзідэнта Рэспублікі Беларусь Людміла Каланчук, выхавальнік Мальскага дзіцячага садка Астравецкага раёна Алена Баршчэўская, сацыяльны работнік аддзялення сацыяльнай дапамогі на доме тэрытарыяльнага цэнтра сацыяльнага абслугоўвання насельніцтва Астравецкага раёна Вольга Кайрыс, лабарант па аналізе малака ААТ "Сож-Агра" Мсціслаўскага раёна Вераніка Басценкава, дзяжурны кантрольна-прапускнога пункта узводу спецыялістаў 3-й стралковай роты 2-га аддзялення стралковага батальёна воінскай часці 6713 Алеся Захарава.

Усяго ордэнам Маці ўзнагароджана 51 жыхарка Брэсцкай, Гродзенскай і Магілёўскай абласцей.

Крыніца: belta.by