Лукашэнка падтрымаў Кітай у ідэі пабудовы Супольнасці адзінага лёсу чалавецтва

Прэзідэнт Беларусі Аляксандр Лукашэнка на перамовах у Пекіне са Старшынёй КНР Сі Цзіньпінам заявіў аб падтрымцы высунутай раней кітайскім лідарам канцэпцыі пабудовы Супольнасці адзінага лёсу чалавецтва, перадае карэспандэнт БЕЛТА.

"Вы толькі што сказалі пра "Паясы і Шлях". Я даўно для сябе зрабіў выснову, што "Паясы і Шлях" - гэта, як Вы сказалі, ужо не канцэпцыя сёння. Гэта ўжо практыка. Рэалізуемая. І ніхто сёння з гэтым не можа спрачацца, і ніхто не можа знайсці нават дробязь для таго, каб падвергнуць крытыцы. Самае галоўнае, што мэтай Вы вызначылі адзіны лёс чалавецтва. У адрозненне ад заходніх краін, якія спрабуюць разсекчы ўсё на часткі, Вы паставілі адзіную мэту для ўсіх. Хто можа спрачацца з гэтым? Ніхто. Свет будзе за гэта ўдзячны Вялікаму Кітаю", - сказаў кіраўнік дзяржавы.

"Мы вельмі зацікаўлены, каб Кітай быў магутнай дзяржавай, каб Кітай развіваўся. І ў гэтым не толькі наш інтарэс - гэта інтарэс усёй планеты, таму што тут (у Кітаі. - Заўвага БЕЛТА) жыве велізарная колькасць таленавітых працавітых людзей", - дадаў Аляксандр Лукашэнка.

Крыніца: belta.by