Лукашэнка ўхваліў праект пагаднення з Кітаем аб гандлі паслугамі і ажыццяўленні інвестыцый

Кіраўнік дзяржавы Аляксандр Лукашэнка падпісаў указ №356, якім ухваліў у якасці асновы для правядзення перамоваў праект пагаднення паміж урадам Рэспублікі Беларусь і ўрадам Кітайскай Народнай Рэспублікі аб гандлі паслугамі і ажыццяўленні інвестыцый. 

Пра гэта БЕЛТА паведамілі ў прэс-службе Прэзідэнта. Такім чынам замацоўваецца прававая аснова для ўстойлівага і дынамічнага развіцця гандлёвых і інвестыцыйных адносін паміж дзвюма краінамі. Гаворка ідзе аб стварэнні зоны свабоднага гандлю паслугамі паміж Беларуссю і КНР, празрыстага, ліберальнага і спрыяльнага інвестыцыйнага рэжыму для прыцягнення інвестыцый.

Пагадненне стварае зачын для развіцця супрацоўніцтва ў новых сферах пры захаванні (абароне) інтарэсаў абодвух бакоў у найбольш адчувальных сегментах эканомік.

На правядзенне перамоваў і падпісанне пагаднення пры дасягненні дамоўленасці ў межах ухваленага праекта ўпаўнаважана Міністэрства эканомікі.

Чакаецца, што ў перспектыве супрацоўніцтва ў рамках пагаднення дазволіць дынамічна нарошчваць экспарт беларускіх паслуг у Кітай і павялічыць інвестыцыйныя патокі з боку Кітая.

Крыніца: belta.by