Вырашаны пытанні страхавання аўтатранспарту ва ўмовах выхаду Беларусі з сістэмы "Зялёная карта"

Прэзідэнт Беларусі Аляксандр Лукашэнка 31 ліпеня падпісаў указ №240 "Аб міжнародным аўтастрахаванні", паведамілі БЕЛТА ў прэс-службе кіраўніка дзяржавы.

Дакумент накіраваны на ўрэгуляванне адносін па страхаванні грамадзянскай адказнасці ўладальнікаў транспартных сродкаў пры выездзе за мяжу ва ўмовах выхаду Беларусі з міжнароднай сістэмы страхавання "Зялёная карта".

Указам прадугледжваецца адмена для беларускіх уладальнікаў аўтамабіляў (кіроўцаў) абавязку прад'яўлення страхавога сертыфіката, які сведчыць аб заключэнні дагавора страхавання "Зялёная карта", пры выездзе з тэрыторыі Беларусі.

Беларускаму бюро па транспартным страхаванні прадастаўлены паўнамоцтвы на ўдзел ад імя Беларусі ў міжнародных сістэмах страхавання (іншых, чым "Зялёная карта"), а таксама на заключэнне пагадненняў аб супрацоўніцтве ў галіне абавязковага страхавання грамадзянскай адказнасці ўладальнікаў транспартных сродкаў.

Крыніца: belta.by