Лукашэнка прапануе ўрадам Беларусі і Расіі прадумаць эканамічны план з апорай на ўласныя сілы

Прэзідэнт Беларусі Аляксандр Лукашэнка прапануе ўрадам Беларусі і Расіі прадумаць эканамічны план з апорай на ўласныя сілы. Аб гэтым ён заявіў на сустрэчы з Прэзідэнтам Расіі Уладзімірам Пуціным, перадае карэспандэнт БЕЛТА.

"Што тычыцца эканомікі, я хацеў бы папрасіць вас яшчэ раз, каб нашы ўрады прадумалі нейкі эканамічны план. Сутнасць - апоры на ўласныя сілы. Не будзем мы прагінацца ні пад каго. Мазгоў хапае. Рэсурсаў больш, чым дастаткова. І трэба выбудаваць план развіцця нашай Айчыны. Як я кажу: дзве дзяржавы, адна Айчына. І мы гэта можам зрабіць. Але асноўныя сілы тут - у Расіі - са старажытных часоў. І калі нашы ўрады выпрацуюць такі план, гэта будзе нядрэнна", - сказаў кіраўнік дзяржавы.

"І нават калі крыху ў нас будзе горш, людзі нас зразумеюць і падтрымаюць. Таму што яны будуць бачыць святло ў канцы тунэля", - упэўнены беларускі лідар.

Больш таго, краіны ўжо пачалі працаваць у гэтым напрамку, развіваючы супрацоўніцтва ў тым ліку ў такіх сферах, як мікраэлектроніка, космас, сельская гаспадарка. "І ўсюды мы бачым добрыя росчыкі. Так трэба гэта ў план аб'яднаць, адказных прызначыць. І на гэтым мы выканаем сваю працу стратэгічна", - сказаў Прэзідэнт Беларусі.

Крыніца: belta.by