Лукашэнка: металургічная галіна адыгрывае адну з ключавых роляў у развіцці нацыянальнай эканомікі

Прэзідэнт Беларусі Аляксандр Лукашэнка павіншаваў работнікаў і ветэранаў металургічнай галіны з прафесійным святам - Днём металурга. Аб гэтым БЕЛТА паведамілі ў прэс-службе беларускага лідара.

Кіраўнік дзяржавы падкрэсліў, што металургічная галіна адыгрывае адну з ключавых роляў у развіцці нацыянальнай эканомікі: фарміруе трывалую аснову прамысловага комплексу, забяспечвае бесперабойную працу практычна ўсіх напрамкаў народнай гаспадаркі.

Прафесійнае свята аб'ядноўвае амаль 20 тыс. прафесіяналаў, якія прысвяцілі сябе складанай справе, што патрабуе надзвычайнай адказнасці, глыбокіх ведаў і асаблівага, вогненнага майстэрства, адзначыў Прэзідэнт.

"У цяперашні час металургі з годнасцю праходзяць няпросты этап пераадолення знешніх выклікаў і робяць усё, каб іх прадукцыя карысталася попытам як унутры краіны, так і за яе межамі. У выніку вытворчасць сталі сёлета павялічылася на чвэрць, а экспарт - на траціну, - гаворыцца ў віншаванні. - Перакананы, што і надалей вы будзеце працаваць з поўнай самааддачай у імя працвітання роднай Беларусі".

Аляксандр Лукашэнка пажадаў усім работнікам і ветэранам галіны моцнага здароўя, невычарпальнай энергіі, шчасця, міру і дабрабыту.

Віншаванне Прэзідэнта Беларусі з Днём металурга

Работнікам і ветэранам металургічнай галіны

Дарагія сябры!

Прыміце самыя шчырыя віншаванні з Днём металурга.

Металургічная галіна адыгрывае адну з ключавых роляў у развіцці нацыянальнай эканомікі: фарміруе трывалую аснову прамысловага комплексу, забяспечвае бесперабойную працу практычна ўсіх напрамкаў народнай гаспадаркі.

Свята аб'ядноўвае амаль 20 тысяч прафесіяналаў, якія прысвяцілі сябе складанай справе, што патрабуе надзвычайнай адказнасці, глыбокіх ведаў і асаблівага, вогненнага майстэрства.

У цяперашні час металургі з годнасцю праходзяць няпросты этап пераадолення знешніх выклікаў і робяць усё, каб іх прадукцыя карысталася попытам як унутры краіны, так і за яе межамі. У выніку вытворчасць сталі сёлета павялічылася на чвэрць, а экспарт - на траціну.

Перакананы, што і надалей вы будзеце працаваць з поўнай самааддачай у імя працвітання роднай Беларусі.

Жадаю ўсім работнікам і ветэранам галіны моцнага здароўя, невычарпальнай энергіі, шчасця, міру і дабрабыту.

Аляксандр Лукашэнка.

16 ліпеня 2023 года.

Крыніца: belta.by