Лукашэнка: на фестывалі беларускай песні і паэзіі гледачы стануць сведкамі нараджэння новых зорных імёнаў

Прэзідэнт Беларусі Аляксандр Лукашэнка накіраваў прывітанне ўдзельнікам і гасцям XXII Нацыянальнага фестывалю беларускай песні і паэзіі. Пра гэта БЕЛТА паведамілі ў прэс-службе кіраўніка дзяржавы.

"За гады існавання творчы форум значна пашырыў мастацкія гарызонты і стаў знакавай культурнай падзеяй, - гаворыцца ў прывітанні. - У гэтыя святочныя дні маладзечанская зямля зноў аб'ядноўвае яркіх, таленавітых паэтаў, кампазітараў і выканаўцаў. Тысячы гледачоў стануць сведкамі нараджэння новых зорных імёнаў і атрымаюць задавальненне ад цікавых праектаў".

Сённяшняе музычна-паэтычнае мерапрыемства, прысвечанае Году міру і стваральнай працы, працягне лепшыя традыцыі нацыянальнага мастацтва, заснаваныя на высокіх ідэалах дабра, гуманізму і ўзаемаразумення, перакананы кіраўнік дзяржавы.

Аляксандр Лукашэнка пажадаў гасцям, удзельнікам і арганізатарам фестывалю шчасця, моцнага здароўя і творчага натхнення.

Крыніца: www.belta.by