Лукашэнка ўхваліў праект пагаднення аб свабодным гандлі паслугамі і ажыццяўленні інвестыцый у СНД
Прэзідэнт Беларусі Аляксандр Лукашэнка адобрыў праект пагаднення аб свабодным гандлі паслугамі, заснаванні, дзейнасці і ажыццяўленні інвестыцый у СНД. Адпаведны ўказ №169 кіраўнік дзяржавы падпісаў 6 чэрвеня, паведамілі БЕЛТА ў прэс-службе беларускага лідара.
Праект пагаднення адобраны ў якасці асновы для правядзення перамоваў. На іх правядзенне і падпісанне дакумента пры дасягненні дамоўленасці ў межах адобранага праекта ўпаўнаважаны ўрад.
Пагадненнем прадугледжваецца стварэнне ў СНД зоны свабоднага гандлю паслугамі і ажыццяўленнем інвестыцый, замацаванне прынцыпу роўнасці і недыскрымінацыі ўдзельнікаў эканамічных адносін незалежна ад грамадзянства, месца рэгістрацыі і формы ўласнасці.
Дагаворам таксама ствараюцца дадатковыя ўмовы для заснавання і дзейнасці кампаній з краін СНД у сферы паслуг, у вытворчых і сельскагаспадарчых сектарах краін Садружнасці.
Заключэнне пагаднення будзе спрыяць развіццю прамысловай кааперацыі, укараненню інавацый, стварэнню спрыяльных умоў для далейшага росту эканомік дзяржаў — удзельніц СНД.