Лукашэнка падкрэслівае ролю адзінства ў АДКБ для захавання суверэнітэту і незалежнасці яе ўдзельнікаў

Прэзідэнт Беларусі Аляксандр Лукашэнка падкрэслівае важную ролю адзінства ў АДКБ для захавання суверэнітэту і незалежнасці яе ўдзельнікаў. Аб гэтым кіраўнік дзяржавы заявіў на сустрэчы з удзельнікамі пасяджэння Савета Парламенцкай асамблеі АДКБ, перадае карэспандэнт БЕЛТА.

"Упэўнены, што дэвіз беларускага старшынства "Праз салідарнасць і супрацоўніцтва да міру і бяспекі" адпавядае інтарэсам усіх членаў АДКБ. Нельга ў сувязі з гэтым абысці пытанне аб адзінстве нашых шэрагаў. Беларусь у рамках свайго старшынства нацэлена на тое, каб прыняць неабходныя намаганні для павышэння згуртаванасці дзяржаў - членаў АДКБ, - сказаў Аляксандр Лукашэнка. - Менавіта ў зняцці існуючых супярэчнасцей бачым перспектыву ўмацавання арганізацыі, забеспячэння бяспекі і стабільнасці ў зоне яе адказнасці".

Прэзідэнт адзначыў, што часта з Прэзідэнтам Расіі абмяркоўвае адпаведную праблему: "Мы не хочам, каб у сувязі з уведзенымі супраць нас санкцыямі пад іх, супрацоўнічаючы з намі, трапілі і вы. Нам гэта абсалютна не трэба. Гэта будзе толькі горш. Але я хачу сказаць, што мы вельмі спадзяемся, што вось гэтыя вось спробы нас разарваць не паўплываюць на наша адзінства. Галоўнае - эканоміка. Галоўнае - рынак".

Кіраўнік дзяржавы канстатаваў, што цэлы шэраг краін на постсавецкай прасторы сутыкаецца з рознага роду праблемамі і выклікамі. "Але мы неяк збіраліся разам, абмяркоўвалі праблемы. А часам прадпрымалі сур'ёзныя дзеянні для таго, каб неяк супакоіць сітуацыю ў той ці іншай кропцы постса

"Таму не дапусціце (вы, парламентарыі перш за ўсё) гэтага разрыву ў гэты востры момант нашай гісторыі. Моцныя свету гэтага спрабуюць перадзяліць свет, і мы ў цэнтры гэтай увагі. Трэба трымацца адзін аднаго, трэба бліжэй у гэты час быць адзін да аднаго. Гэта наша палітыка. Мы вам яе прапануем. Я думаю, што іншай альтэрнатывы для захавання суверэнітэту і незалежнасці нашых дзяржаў няма", - упэўнены беларускі лідар.

Сваё слова ў гэтым павінна сказаць і Парламенцкая асамблея АДКБ, адзначыў Аляксандр Лукашэнка. Парламентарыі сваім дзейсным удзелам у працэсах развіцця і ўмацавання патэнцыялу АДКБ змогуць спрыяць павышэнню ролі арганізацыі ў сістэме міжнародных адносін. "Паступальнаму прасоўванню на гэтым напрамку будзе служыць таксама дакладнае прытрымліванне прынцыпу непадзельнасці бяспекі як неад'емнай умовы мірнага дыялогу, процідзеяння знешняму ціску і санкцыям", - сказаў Прэзідэнт.

Ён выказаў упэўненасць, што пасяджэнне Савета Парламенцкай асамблеі АДКБ у Мінску пройдзе ў абсалютна канструктыўнай атмасферы і будзе спрыяць прыняццю канкрэтных рашэнняў, накіраваных на ўмацаванне адносін сапраўднага саюзніцтва паміж дзяржавамі - членамі АДКБ. "Мы для гэтага будзем рабіць усё магчымае. На нас вы можаце разлічваць і не сумнявацца", - запэўніў беларускі лідар.

Крыніца: belta.by