Кіраўніцтва Верхнядзвінскага раёна адрасавала віншаванне з Днём Канстытуцыі Рэспублікі Беларусь!

Паважаныя жыхары і госці Верхнядзвінскага раёна!

Шчыра віншуем вас з Днём Канстытуцыі Рэспублікі Беларусь!

Наша дзяржава – маладая ў суверэннай гісторыі, але самадастатковая і дынамічна развіваецца. Сіла яе ў тым, што гэта – краіна для народа, у аснову нашай дзяржаўнасці пакладзены інтарэсы людзей, адлюстраваныя ў Канстытуцыі Рэспублікі Беларусь. Асноўны Закон распрацаваны і прыняты самім народам, ён замацаваў прававыя, палітычныя і ідэалагічныя асаблівасці дзяржавы і грамадства, выразна вызначыў прыярытэты нацыянальнага развіцця. Менавіта ў Канстытуцыі прадугледжаны ўсе правы і свабоды грамадзян, заснаваныя на прынцыпах справядлівасці, законнасці і парадку, што і з'яўляецца залогам паспяховага развіцця.

Наша агульная мэта – увасобіць у паўсядзённым жыцці закладзеныя ў вышэйшым Законе каштоўнасці, умацаваць нацыянальнае адзінства, беражліва захоўваць гістарычную і культурную спадчыну. Гэта асабліва важна для выхавання маладога пакалення ў духу любові да Айчыны, малой радзімы і вернасці сваёй роднай зямлі.

Па традыцыі да Дня Канстытуцыі ў нашым раёне прымеркавана маштабнае мерапрыемства «Верхнядзвіншчына працоўная», на якім ушаноўваем землякоў, што дасягнулі найлепшых вынікаў у розных галінах дзейнасці, паказваюць сябе годнымі грамадзянамі сваёй краіны. Яны з'яўляюцца прыкладам маладому пакаленню, прадстаўнікам якога ўручаць у гэты дзень іх галоўны дакумент – пашпарт грамадзяніна Рэспублікі Беларусь. Разам з важным дакументам юнакі і дзяўчаты атрымаюць наказ плённа працаваць, праслаўляць родную краіну высокімі дасягненнямі, быць адзінымі ў імкненні да міру і стварэння.

Жадаем усім здароўя, дабра, узаемаразумення, новых здзяйсненняў на карысць Айчыны.

Раённы выканаўчы камітэт.

Раённы Савет дэпутатаў.