Становімся лепшымі: Беларусбанк правядзе маштабныя тэхналагічныя работы

Для павышэння надзейнасці і якасці паслуг Беларусбанк праводзіць маштабнае абнаўленне праграмнага забеспячэння. Падчас планавых тэхналагічных работ абслугоўванне будзе ажыццяўляцца ў адпаведнасці са скарочаным пералікам аперацый.

 

Так, для фізічных асоб з 22 снежня па 29 снежня (да 15.00) не будуць даступныя: афармленне персаналізаваных (з нанясеннем інфармацыі аб трымальніку) плацежных картак у аддзяленнях (уключаючы аперацыйныя службы), дадатку M-Belarusbank, інтэрнэт-банкінгу, на сайце банка і праз Кантакт-цэнтр банка; выпуск дублікатаў і ре-выпуск плацежных картак, уключаючы крэдытныя.

Асноўныя работы будуць праводзіцца з 24 снежня па 29 снежня (да 15.00).

З 24 снежня будзе недаступны шэраг аперацый:

- з 14.00 нельга будзе аформіць заяўку на выдачу крэдытаў (авердрафтаў), заключыць крэдытныя дагаворы, дадатковыя пагадненні да іх, дагаворы забеспячэння вяртання крэдытаў, а таксама аформіць і прыняць заявы па пытаннях суправаджэння крэдыту, недаступная будзе і выдача даведак.

- з 15.30 нельга будзе пералічыць грошы па крэдытных дагаворах.

- з 17.30 не будуць працаваць аперацыі па ўкладных і бягучых рахунках. Да ўказанага часу атрыманне пенсій і здзяйсненне іншых аперацый па рахунках будуць даступныя без абмежаванняў.

Аплата крэдытаў праз АРІП будзе недаступная з 24 снежня (з 17.30) па 7 студзеня. Аперацыя па пагашэнні крэдытаў Беларусбанка будзе адноўлена 29.12 (з 15.00).

27 снежня (з 01.00 да 10.00) і 28 снежня (з 01.00 да 10.00) магчымы перапынак у працы плацежных картак банка і сэрвісаў з іх выкарыстаннем у Беларусі і за мяжой, а таксама картак іншых банкаў у банкаматах, інфакіёсках банка, дадатку M-Belarusbank і на сайце фінансавай установы.