Ад чаго залежыць пенсія фізічных асоб, якія ажыццяўляюць прадпрымальніцкую дзейнасць, і як яе павялічыць!

Віцебскае абласное ўпраўленне Фонду сацыяльнай абароны насельніцтва Міністэрства працы і сацыяльнай абароны Рэспублікі Беларусь інфармуе.

 

Своечасовая і поўная выплата абавязковых страхавых узносаў у бюджэт фонду – гэта не проста заканадаўчы абавязак, гэта аснова вашай сацыяльнай абароненасці сёння і залог забеспячэння заўтра.

Права на працоўную пенсію залежыць ад страхавога стажу (у 2025 г. – гэта 20 гадоў). У страхавы стаж залічваюцца толькі тыя месяцы, за якія выплачаны абавязковыя страхавыя ўзносы ў бюджэт фонду.

На памер пенсіі ўплывае як працягласць стажу, так і памер даходу, з якога выплачваюцца ўзносы ў бюджэт фонду. Так, калі фізічныя асобы, якія ажыццяўляюць прадпрымальніцкую дзейнасць, не менш за 20 гадоў (мінімальны страхавы стаж) выплачвалі ўзносы з даходу не вышэй за мінімальную заработную плату, сфарміруецца права толькі на мінімальную працоўную пенсію па ўзросце.

Крайне важна планаваць сваю пенсійную будучыню ўжо сёння!

Павялічыць памер сваёй будучай пенсіі можна, калі праводзіць выплату абавязковых страхавых узносаў у ФСАН з даходу звыш мінімальнай заработнай платы.

Г.зн. чым вышэйшы даход дэкларуецца ў формах ПУ-3 (штогадовая форма справаздачнасці ў ФСАН), тым вышэйшы памер выплачваемых узносаў, што наўпрост уплывае на памер будучай пенсіі.

Акрамя гэтага, памер дапамог па часовай непрацаздольнасці і па цяжарнасці і родах разлічваецца зыходзячы з вашага сярэдняга заробку за пэўны перыяд, які, у сваю чаргу, грунтуецца на суме выплачаных узносаў.

Не абмяжоўвайцеся мінімумам –

інвестуйце ў сваю сацыяльную абарону!