Уведзены абмежаванні на наведванне лясоў па ўсёй Віцебскай вобласці

У сувязі з усталяваннем III класа пажарнай небяспекі з 1 красавіка 2025 года ў Віцебскай вобласці ўведзены абмежаванні на наведванне лясоў ва ўсіх раёнах, за выключэннем Расонскага. Там наведванне лясоў дазволена.

Адсочваць інфармацыю можна па карце забарон і абмежаванняў на наведванне лясоў у раёнах Беларусі, размешчанай на афіцыйным сайце Міністэрства лясной гаспадаркі.