Заўтра ў Верхнядзвінскім раёне масава пройдзе пасадка лесу ў рамках рэспубліканскай акцыі «Дай лесу новае жыццё!»

З 21 сакавіка па 12 красавіка 2025 года па ініцыятыве Міністэрства лясной гаспадаркі ў краіне праводзіцца добраахвотная грамадская акцыя "Дай лесу новае жыццё". Мэта акцыі - аднавіць беларускія лясы, у тым ліку пашкоджаныя ў выніку стыхійнага бедства.

29 сакавіка акцыя маштабна пройдзе ў в.Ермоліна. Усе жадаючыя, незалежна ад узросту, могуць далучыцца. Ад'езд аўтобусам у 8.00 ад Верхнядзвінскага лясгаса. Жаночай палове пры сабе пажадана мець пакеты або вёдры. Па ўзнікаючых пытаннях можна звяртацца ў Верхнядзвінскі лясгас па тэлефонах: 6 11 28 (намеснік кіраўніка па ідэалагічнай рабоце); 6 37 84 (галоўны ляснічы).